દલિત બસ્તીમાં આગ : વિજયપુરની દલિત વસાહતમાં બદમાશોએ આગ લગાવી દીધી હતી તેમજ વીજળીના થાંભલાઓ ઉખાડી ફેંક્યા હતા, આ માટે ગ્રામજનોએ ભાજપના લોકો પર આરોપ લગાવ્યો હતો
શ્યોપુર, તા.૧૫
મધ્યપ્રદેશના વિજયપુરમાં મતદાન બાદ ભારે હંગામો થયો હતો. લોકોએ કથિત રીતે દલિત કોલોનીમાં મતદાન ન કરવા માટે ઘરો સળગાવી દીધા છે. તેમજ ભારે પથ્થરમારો પણ થયો છે. આરોપ છે કે હંગામો મચાવી રહેલા લોકોએ બાબા સાહેબ ભીમરાવ આંબેડકરની પ્રતિમા તોડી નાખી છે. ગ્રામજનોનો આરોપ છે કે આ બધું ભાજપ સાથે જોડાયેલા લોકોએ કર્યું છે.આગ લગાવીને તોડફોડ શરૂ કરી હતીજણાવવામાં આવી રહ્યું છે કે,ગોહટા ગામની દલિત કોલોનીમાં બદમાશોએ પોતાનું વર્ચસ્વ દર્શાવ્યું હતું. આ લોકોએ અનેક ઘરોમાં તોડફોડ કરી હતી તેમજ ઝૂંપડામાં આગ લગાડી દીધી હતી. આ સાથે વીજળીના થાંભલા પણ તોડી નાખ્યા હતા. આરોપ છે કે બદમાશોએ ટ્રેક્ટર વડે વીજળીના થાંભલા ઉખેડી નાખ્યા હતા. ઘટનાને પગલે ગામમાં ભયનો માહોલ છે. જો કે હજુ સુધી પોલીસમાં કોઈ ફરિયાદ થઈ નથી. વિજયપુરમાં ભારે હોબાળો વિજયપુરમાં પણ મતદાન દરમિયાન ભારે હોબાળો થયો હતો. આ દરમિયાન લોકોએ પ્રિસાઇડિંગ ઓફિસરને પણ માર માર્યો હતો. વહીવટીતંત્રે સાવચેતીના ભાગરૂપે બંને ઉમેદવારોને નજરકેદ પણ કર્યા હતા. ભાજપ અને કોંગ્રેસના પ્રદેશ પ્રમુખો પણ વિજયપુર પહોંચ્યા હતા પરંતુ પ્રશાસને બંનેને બહાર જ અટકાવ્યા હતા.
વિસ્તારમાં તણાવ દરમિયાન આગચંપી અને પથ્થરમારાની ઘટના બાદ વિસ્તારમાં તણાવનો માહોલ છે. આગના કારણે ગ્રામજનોને લાખોનું નુકસાન થયું છે. જણાવવામાં આવી રહ્યું છે કે આગની ઘટના બાદ આરોપીઓ ત્યાંથી ફરાર થઈ ગયા છે. જો કે મીડિયામાં સમાચાર આવ્યા બાદ પોલીસની ટીમો આસપાસ જોવા મળી રહી છે. એક ડઝનથી વધુ લોકો ગામમાં પ્રવેશ્યા ગ્રામજનોનો આરોપ છે કે એક ડઝનથી વધુ લોકો ગામમાં ઘૂસી ગયા અને લોકોને માર મારવા લાગ્યા. આ ઘટના દરમિયાન ગામમાં સ્થાપિત ભીમરાવ આંબેડકરની પ્રતિમા સાથે પણ છેડછાડ કરવામાં આવી હતી અને તોડવામાં આવી હતી. ભાજપને વોટ ન આપવા પર હોબાળો સાથે જ ગ્રામજનોનો આક્ષેપ છે કે અમે ભાજપને મત ન આપ્યો હોવાથી આ ઘટનાને અંજામ આપવામાં આવ્યો છે. આ સાથે પોલીસ પ્રશાસન આ ઘટનાને સંપૂર્ણપણે નકારી રહ્યું છે, જ્યારે વાયરલ વીડિયોમાં પોલીસના વાહનો સ્થળ પર સ્પષ્ટ દેખાઈ રહ્યા છે. આમ છતાં કોઈ અધિકારી આ બાબતે બોલવા તૈયાર નથી. નોંધનીય છે કે વિજયપુર પેટાચૂંટણીમાં રામનિવાસ રાવત ભાજપના ઉમેદવાર હતા. તેઓ હાલમાં એમપીના વન મંત્રી છે. રામનિવાસ રાવત કોંગ્રેસ છોડીને ભાજપમાં જોડાયા હતા. આ પછી ત્યાં પેટાચૂંટણી યોજાઈ રહી હતી. ભાજપ અને કોંગ્રેસે પેટાચૂંટણી જીતવા માટે તમામ તાકાત લગાવી દીધી હતી. કોંગ્રેસે કહ્યું છે કે ભાજપે ત્યાં બૂથ કેપ્ચરિંગ કર્યું છે.
