Ahmedabad

મુંબઈ કોલ સેન્ટર રેકેટનો માસ્ટર માઈન્ડ અમદાવાદનો સાગર ઠક્કર

અમેરિકનોને ધમકી આપી રૂા.પ૦૦ કરોડ ખંખેરવાના કૌભાંડમાં

(સંવાદદાતા દ્વારા)  અમદાવાદ, તા.૧૦

દેશભરમાં ખળભળાટ મચાવનાર કોલ સેન્ટર રેકેટની તપાસના તાર અમદાવાદ સુધી  પહોંચ્યા છે. આ કૌભાંડનો માસ્ટર માઈન્ડ અમદાવાદનો ર૩ વર્ષનો યુવાન હોવાનું સામે આવતા થાણે ક્રાઈમ બ્રાન્ચ અને મુંબઈ પોલીસે અમદાવાદ પ્રહલાદનગર વિસ્તારમાં આવેલા પિનેકલ બિઝનેસ પાર્કમાં ચાલતા પાંચ કોલ સેન્ટર પર દરોડાની કાર્યવાહી હાથ ધરી હતી. નોંધનીય છે કે થોડા સમય અગાઉ મુંબઈમાં ચાલતા બોગસ કોલ સેન્ટરનો ભેદ ઉકેલાતા અમેરિકન નાગરિકો પાસેથી અત્યાર સુધી પ૦૦ કરોડ ખંખેરી લીધા હોવાની શક્યતા સેવાઈ રહી છે.  મુંબઈમાં મીરા રોડ પર ચાલતા કોલ સેન્ટર દ્વારા અમેરિકનોને અહીં બેઠાં બેઠાં ધમકી આપવાનો રેકેટનો  ગત સપ્તાહે પર્દાફાશ થયા બાદ આ કેસમાં વધુ એક ચોંકાવનારી માહિતી સામે આવી છે. પોલીસના જણાવ્યા મુજબ આ સમગ્ર રેકેટનો સૂત્રધાર ર૩ વર્ષનો યુવાન છોકરો સાગર ઠક્કર છે. છેલ્લા એક વર્ષથી આ કૌભાંડ ચાલી રહ્યું હતું. અધિકારીઓએ જણાવ્યું છે કે, આરોપી સાગર ઠક્કર સહિત અન્ય ૯ અમદાવાદીઓના નામ ખૂલ્યા છે. જેમને પકડવા માટે થાણે ક્રાઈમ બ્રાંચની એક ટીમ અમદાવાદમાં આવી છે. છેલ્લા ઘણા દિવસથી આરોપીઓને પકડવા માટેની  તજવીજ ચાલી રહી છે ત્યારે પ્રહલાદનગર વિસ્તારમાં આવેલા પિનેકલ બિઝનેસ સેન્ટરમાં ચાલતા પાંચ કોલ સેન્ટર પર દરોડા પાડવામાં આવ્યા હતા. જો કે સાગર ઠક્કર તમામ કોલ સેન્ટર બંધ કરીને ફરાર થઈ ગયો છે. આ કેસમાં હાલ તો સાગર ઠક્કરની ધરપકડ કરવા માટે પોલીસ તનતોડ મહેનત કરી રહી છે.  અમદાવાદના પોશ વિસ્તારમાં ચાલતા પચાસથી વધુ ઈન્ટરનેશનલ કોલ સેન્ટર રાતોરાત બંધ થઈ ગયા હોવાનું જાણવા મળ્યું છે. થાણે  ક્રાઈમ બ્રાન્ચની ટીમ અમદાવાદમાં ધામા નાંખતા તમામ કોલ સેન્ટરોને બંધ કરી દેવાયા છે.

કોલ સેન્ટર રેકેટ ચલાવતા ર૩ વર્ષના છોકરાનું સાગર ઠક્કરે ઉર્ફે શેગી છે. તેના એક સાથીનું નામ તાપશ હોવાનું પણ બહાર આવ્યું છે. જે હજુ સુધી પોલીસ પહોંચથી દૂર છે. પોલીસના જણાવ્યા મુજબ ખૂબ જ યુવા વયે તે ભારતમાં બેસીને વિદેશીઓને છેતરવાનો માસ્ટર બની ગયો હતો. સૂત્રો મુજબ ઠક્કર દેશ છોડીને નાસી જવાનો હતો.

Related posts
AhmedabadCrime

બાળકોના રમકડાંમાં નશાના સામાનની ડિલિવરી ધો.૧૦-૧રના છાત્રો મંગાવતા હોવાનો ઘટસ્ફોટ !

અમેરિકાથી અમદાવાદ આવેલ પાર્સલોમાં…
Read more
AhmedabadGujarat

વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

રાજ્યમાં હાલ તીવ્ર ગરમીનો માહોલ છે.
Read more
Ahmedabad

અમદાવાદ એરપોર્ટ પર આવી પહોંચતા જ ATSએ તેમની કરી ધરપકડISIS સાથે સંકળાયેલ શ્રીલંકાના ચાર શંકાસ્પદ આતંકવાદીઓને ઝડપી લેવાયા

ATSના ડીવાયએસપીને ૧૮ મેએ બાતમી મળ…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.

Leave a Reply

Your email address will not be published. Required fields are marked *