National

NDAમાં માત્ર એક મુસ્લિમ સાંસદ, જ્યારે વિપક્ષમાં ર૬ છે

(એજન્સી) તા.ર૮
આ વખત પ૪ર લોકસભા બેઠકોમાંથી કુલ ર૭ મુસ્લિમ સાંસદ ચૂંટાઈને આવ્યા છે, જયારે ૧૬મી લોકસભામાં માત્ર રર હતા. હાલમાં પૂર્ણ થયેલી લોકસભા ચૂંટણીમાં ભાજપે ૩૦૩ બેઠકો જીતી છે અને પોતાના સહયોગીની સાથે પાર્ટીએ ૩પ૩ બેઠકો જીતી છે. સમાચાર મુજબ એનડીએમાં લોક જનશકિત પાર્ટીના મહેબુબઅલી કેસર એક માત્ર મુસ્લિમ ઉમેદવાર છે જે બિહારની ખગડિયા લોકસભા બેઠકથી જીત્યા છે. બાકી ર૩ મુસ્લિમ સભ્ય વિપક્ષી દળોમાંથી છે. ઉત્તરપ્રદેશમાંથી છ મુસ્લિમ સાંસદોએ ચૂંટણી જીતી જેમાં ૩ સપા અને ૬ બીએસપીના છે. આઝમખાન (રામપુર), અફઝલ અન્સારી (ગાજીપુર), ડો. એસ.ટી. હસન (મુરાદાબાદ), હાજી ફઝલુરહેમાન (સહારનપુર), શફીકુર રહેમાન બર્ક (સંભલ) અને દાનિશ અલી (અમરોહા) લોકસભા પહોંચી રહ્યા છે. ભારતીય સંસદમાં સૌથી વધુ મુસ્લિમ સાંસદ ૧૯૮૦માં ચૂંટાયા હતા. ૧૯૮૦માં ૪૯ મુસ્લિમો ચૂંટાઈને સાંસદ પહોંચ્યા હતા. ૧૯પરમાં જયારે પ્રથમ વખત ચૂંટણી થઈ તો રપ મુસ્લિમ સંસદનો ભાગ બન્યા હતા. યુપી પછી પશ્ચિમ બંગાળથી પ સાંસદ ચૂંટાયા છે. જેમાં ચાર ટીએમસીમાંથી છે. તે ઉપરાંત જમ્મુ-કાશ્મીર અને કેરળથી ત્રણ ત્રણ સાંસદ ચૂંટણી જીતવામાં સફળ રહ્યા છે. બિહાર અને આસામથી બે-બે મુસ્લિમ સાંસદોને સફળતા મળી છે. તે ઉપરાંત એઆઈએમઆઈએમના અસદુદ્દીન ઓવૈસી હૈદરાબાદથી ચૂંટણી જીતવામાં સફળ રહ્યા છે.

About author

Articles

"VOICE OF TRUE JOURNALISM"
    Related posts
    National

    મુંબઇમાં સલમાન ખાનના ઘરની બહાર ગોળીબાર : CCTV ફૂટેજમાં શૂટરો મોટરસાઈકલ પર ભાગી જતા દેખાયા

    મુંબઈના બાંદ્રામાં બોલિવૂડ…
    Read more
    NationalPolitics

    દિલ્હી હાઈકોર્ટે કેજરીવાલની ધરપકડ સામેની અરજી ફગાવી

    કેજરીવાલની ધરપકડ માટે ઇડી પાસે પૂરત…
    Read more
    National

    અરવિંદ કેજરીવાલની કસ્ટડીમાં ૪ દિવસનો વધારો

    એક અઠવાડિયાના રિમાન્ડ પછી ગુરૂવારે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.