National

મને પીએમ બનવામાં કોઈ રસ નથી, મારે અધૂરા કામ પુરા કરવા છે : નીતિન ગડકરી

નવી દિલ્હી,તા.૨૧
૨૦૧૯ની આગામી લોકસભાની ચૂંટણીમાં જે પ્રકારે કેન્દ્રીય સડક પરિવહન પ્રધાન નીતિન ગડકરીનું નામ વડાપ્રધાન પદના ઉમેદવાર બનવાની સંભાવના તરીકે સામે આવ્યું છે. તેના સંદર્ભે હવે ગડકરીનો જવાબ પણ આવ્યો છે. નરેન્દ્ર મોદીના સ્થાને ૨૦૧૯ની ચૂંટણીમાં વડાપ્રધાન પદના ઉમેદવાર બનવાની સંભાવના અંગે પુછાયેલા પ્રશ્નના જવાબમાં ગડકરીએ કહ્યુ છે કે આનો કોઈ સવાલ જ પેદા થતો નથી. તેઓ હાલ જ્યાં છે, તેનાથી ઘણાં જ ખુશ છે. મહારાષ્ટ્રના એક સંગઠનના પ્રમુખે તાજેતરમાં આરએસએસના સરસંઘચાલક મોહન ભાગવતને પત્ર લખીને ગડકરીને ૨૦૧૯માં ભાજપ તરફથી વડાપ્રધાન પદના ઉમેદવાર બનાવવાની માગણી કરી હતી. એક ઈન્ટરવ્યૂમાં ગડકરીએ કહ્યુ છે કે તેઓ જ્યાં છે તે કામથી બેહદ ખુશ છે. પહેલા તેમણે ગંગા સફાઈ અભિયાનનું કામ પુરું કરવાનું છે. ૧૩થી ૧૪ દેશોને જોડનારા એક્સપ્રેસ હાઈવે એક્સેસ કંટ્રોલનું નિર્માણ અને ચારધામ માટે સડક બનાવવાનું કામ પુરું કરવાનુ છે. તેના સિવાય અન્ય ઘણાં કામ પણ પૂર્ણ કરવાના છે. તેઓ આ તમામ કાર્યોથી બેહદ ખુશ છે અને આને પૂર્ણ કરવા ચાહે છે.
પૂર્વોત્તર ભારતના વિકાસ અને ત્યાં ચાલી રહેલા કાર્યો સંદર્ભે ગડકરીએ કહ્યુ છે કે પુરોગામી સરકારે પૂર્વોત્તરના રાજ્યોની અવગણના કરી છે. પૂર્વોત્તરના વિકાસને નકારવામાં આવ્યો છે. પરંતુ એનડીએની સરકાર સતત પૂર્વોત્તર રાજ્યોના વિકાસ માટે કામ કરી રહી છે. તેમણે જણાવ્યુ છે કે અરુણાચલ પ્રદેશમાં ચાર હજાર કરોડ રૂપિયાનું સડક નિર્માણનું કાર્ય ચાલી રહ્યું છે. અરુણાચલ પ્રદેશમાં સડક નહીં હોવાના કારણે ગરીબી અને બેરોજગારીની છે. પરંતુ એકવાર અહીં સડક નિર્માણ થઈ જશે, તો રોજગારનું પણ સર્જન થઈ જશે.

About author

Articles

"VOICE OF TRUE JOURNALISM"
    Related posts
    National

    રાજકોટ પછી દિલ્હીની હોસ્પિટલ સળગી, ૭ નવજાતનાં મોત

    દિલ્હીની વિવેકવિહારમાં આવેલી ન્યુ…
    Read more
    NationalPolitics

    ‘‘મારો દીકરો તમને સોંપું છું’’ : રાયબરેલીમાં સોનિયાની ભાવુક અપીલ

    રાયબરેલીમાં સોનિયા ગાંધી સાથે…
    Read more
    National

    બુરખો પહેરેલી પ્રશંસકને ગળેભેટવાનું શાહરૂખ ખાને ટાળી લોકોના દિલ જીત્યાં, વીડિયો વાયરલ થયો

    (એજન્સી) તા.૧૭બોલિવૂડ સુપરસ્ટાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.