Ahmedabad

રાજ્યના ખેડૂતોને ખેતી માટે વધુ બે કલાક વીજ પુરવઠો અપાશે

અમદાવાદ, તા.૧૬
ગુજરાત વિધાનસભાની ચૂંટણીને હવે ગણતરીના મહિનાઓ બાકી રહ્યા છે. ત્યારે રાજ્યની ભાજપ સરકારે ખેડૂતોને રિઝવવા માટે નિતનવા પેકેજો જાહેર કરી, નવી નવી જાહેરાતો કરી રહી છે. ખેડૂતોને ટેકાના ભાવ આપવામાં પણ આડોડાઈ કરતી સરકાર હવે ચૂંટણી આવતા જ જગતનો તાત યાદ આવી ગયો છે. ત્યારે ચૂંટણીમાં પણ ખેડૂતો ટેકાનો ભાવ ન આપનારી ભાજપ સરકારને ટેકો ના આપે તેવા ભયમાં સરકારે ખેડૂતોને વધારાનો બે કલાક વીજ પુરવઠો આપવાનો નિર્ણય કર્યો છે. ગુજરાતની ભાજપ સરકારના ઊર્જા મંત્રી ચીમન સાપરિયાએ સરકારે કરેલા ખેડૂતલક્ષી નિર્ણયની જાહેરાત કરતાં જણાવ્યું હતું કે, મુખ્યમંત્રી વિજય રૂપાણીના નેતૃત્વમાં રાજ્ય સરકારે ખેડૂતલક્ષી નિર્ણયો લીધા છે. રાજ્ય સરકારે વધુ એક ખેડૂતલક્ષી નિર્ણય લઈને રાજ્યભરના ખેડૂતોને વધારાના બે કલાક વીજ પુરવઠો આપવાનું નક્કી કર્યું છે. મગફળી અને ડાંગર પકવતા ખેડૂતોને સિંચાઈ માટે પાણી પૂરૂ પાડવા જરૂરી વધારાનો વીજ પુરવઠો આપવાની ખેડૂતોની લાગણીનો રાજ્ય સરકારે તાત્કાલિક પ્રતિભાવ આપ્યો છે અને ખેડૂતોની આ લાગણીને ધ્યાને લઈને રાજ્ય સરકારે રાજ્ય મંત્રીમંડળની બેઠકમાં ખેડૂતોને હાલ જે જેવી પુરવઠો મળે છે તેમાં વધારાના બે કલાક ઉમેરી રાજ્યભરના ખેડૂતોને કુલ દસ કલાક વીજ પુરવઠો પૂરો પાડવાનો નિર્ણય કર્યો છે. મંત્રીએ એમ પણ જણાવ્યું હતું કે, રાજ્ય સરકારના નિર્ણયને લીધે રાજ્યના મગફળી અને ડાંગર પકવતા ખેડૂતો તેમના પાકને પૂરતું પિયત આપી શકશે.

About author

Articles

"VOICE OF TRUE JOURNALISM"
    Related posts
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Ahmedabad

    અમદાવાદ એરપોર્ટ પર આવી પહોંચતા જ ATSએ તેમની કરી ધરપકડISIS સાથે સંકળાયેલ શ્રીલંકાના ચાર શંકાસ્પદ આતંકવાદીઓને ઝડપી લેવાયા

    ATSના ડીવાયએસપીને ૧૮ મેએ બાતમી મળ…
    Read more
    AhmedabadGujarat

    માવઠાના માર બાદ અગનભઠ્ઠીમાં શેકાયું ગુજરાત : સુરેન્દ્રનગરમાં પારો ૪૪.૭ ડિગ્રી

    ડીસામાં ૪૪.૪, અમદાવાદમાં ૪૪.ર અને…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.