Gujarat

આણંદઃ ૪પ લાખની લૂંટમાં ઝડપાયેલા પાંચેય લુટારાઓના રિમાન્ડ મંજૂર

(સંવાદદાતા દ્વારા) આણંદ, તા.૨૫
આણંદ શહેરના લાંભવેલ રોડ પર આજથી ૧૫ દિવસ પૂર્વે આંગડિયા પેઢીના પિતા પુત્ર પાસેથી રૂ ૪૫ લાખની રોકડ રકમની લૂંટ ચલાવવાની ઘટનામાં આણંદ એલસીબી પોલીસે ઝડપી પાડેલ પાંચ લૂંટારાઓને શુક્રવારે અદાલતમાં રજુ કરતા કોર્ટે પાંચેય લૂંટારાઓના ચાર દિવસના રિમાન્ડ મંજૂર કરતા પોલીસે વધુ પુછપરછ હાથ ધરી છે. આણંદ શહેરમાં વિ.પટેલ આંગડિયા પેઢીની જુના રામજી મંદિર ખાતે ઓફિસ ધરાવતા અને લાંભવેલ માનસી ટેનામેન્ટમાં રહેતા તુલસીદાસ ઠક્કર પોતાના મોટા દીકરા અમિત સાથે રોકડ રકમ રૂ ૪૫ લાખ લઈને જતા હતા. ત્યારે જય જલારામ ઇન્ટરનેશનલ સ્કૂલ નજીક પેટ્રોલ પંપ સામે બાઇક સવાર બે અજાણ્યા શખ્સોએ બાઈકની ટાંકી ઉપર મુકેલ રોકડ રકમ રૂ ૪૫ લાખની લૂંટ ચલાવ્યાની ઘટના બની હતીબનાવના ગણતરીના ૧૪ દિવસોમાં આણંદ એલસીબી પીઆઇ આર.એન.વિરાણી તેમજ ટીમના માણસોએ લૂંટમાં સંડોવાયેલા પાંચ આરોપીઓ સનત ઉર્ફે પીન્ટુ સંતોષકુમાર જૈન, મુજાહિદ ઉર્ફે સોનુ સલીમખાન સોનુ ઉર્ફે ભીમ પુરુષોત્તમ ઝાક, બાલુજી ઉર્ફે ગલો રમણભાઈ સોલંકી અને નારાયણ ઉર્ફે જગો વિષ્ણુભાઈ રાવળને ગુરુવારે ઝડપી પાડયા હતા.પોલીસે ઝડપાયેલા આ લૂંટારું ટોળકી પાસેથી લુંટમાં ગયેલ રોકડ રકમ રૂ ૪૫ લાખ પૈકીના ૨૯ લાખ ૨૫ હજાર ઉપરાંત એક પિસ્તલ, કાર્ટીઝ, લુંટમાં વપરાયેલ પલ્સર બાઈક, એક સેવરોલેટ કાર, ત્રણ ધારદાર છરા, લુંટની રકમમાંથી ખરીદેલ એકટીવા વાહન ઉપરાંત સોનાની ચેઈન સહિતનો મુદ્દામાલ કબ્જે લીધો હતો. આણંદ એલસીબી પોલીસે શુક્રવારે સાંજના અરસામાં પાંચેય લૂંટારાઓને આણંદ કોર્ટમાં રજૂ કરતા કોર્ટે પાંચેય આરોપીઓના ચાર દિવસના રિમાન્ડ મંજૂર કરતા આણંદ ગ્રામ્ય પોલીસે આરોપીઓની વધુ પુછપરછ હાથ ધરી છે.

About author

Articles

"VOICE OF TRUE JOURNALISM"
    Related posts
    Gujarat

    હિંમતનગરના ગામડી પાસે નેશનલ હાઈવે પર વાહનની ટક્કરે વ્યક્તિનું મોત ઉશ્કેરાયેલા લોકોએ હાઈવે બ્લોક કર્યો પોલીસ પર પથ્થરમારો કરી વાનને આગ ચાંપી

    ટોળાને વિખેરવા ટીયરગેસના ૧ર૦થી વધુ…
    Read more
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    AhmedabadGujarat

    માવઠાના માર બાદ અગનભઠ્ઠીમાં શેકાયું ગુજરાત : સુરેન્દ્રનગરમાં પારો ૪૪.૭ ડિગ્રી

    ડીસામાં ૪૪.૪, અમદાવાદમાં ૪૪.ર અને…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.