Gujarat

નીલવડા ગામના મહંતે જૂનાગઢના સાધુઓ માટે ગાંજાનું વાવેતર કર્યું હતું

(સંવાદદાતા દ્વારા) અમરેલી, તા.૨૫
અમરેલી જિલ્લામાં ગાંજાના વાવેતર ફૂલી ફળ્યો હોઈ તેમ છેલ્લા દોઢ મહિનાની અંદર બે જગ્યાએથી ગાંજાનો જથ્થો ઝડપી પાડવામાં અમરેલી પોલીસને સફળતા મળેલ છે. જેમાં દોઢેક મહિના પહેલા દામનગર પોલીસ સ્ટેશન વિસ્તારમાંથી ૮૯ લાખના ગાંજાના વાવેતર સાથે પિતા-પુત્ર સહિત ૪ને ઝડપી પાડ્યા બાદ પોલીસે બાબરાના નીલવડા ગામેથી ધારેશ્વર આશ્રમમાંથી ગાંજો ઝડપી પાડ્યો હતો.
અમરેલી જિલ્લાના બાબરા તાલુકાના નીલવડા ગામે ધારેશ્વર આશ્રમમાં મહંત દ્વારા ગાંજાનું વાવેતર કરેલ હોવાનું અમરેલી એસઓજી પોલીસને બાતમી મળતા એસઓજી પીઆઈ પીડી જાડેજા તેમજ પીએસઆઈ એમએમ મોરી દ્વારા રેડ કરતા પોલીસે સર્વે નંબર ૨૬ની જમીનમાં આવેલ આશ્રમમાંથી કપાસના વાવેતર વચ્ચે છૂપી જગ્યામાં કરવામાં આવેલ ગેરકાયદેસર ગાંજાનું વાવેતર ઝડપી પાડ્યું હતું. પોલીસે ગાંજાના છોડ નંગ ૯૧૮ અને ગાંજો ૨૪૬.૨૦૦ કિ.ગ્રામ કિંમત રૂપિયા ૧૨,૩૧,૦૦૦નો મુદામાલ કબ્જે લેવામાં આવેલ હતો. પોલીસે આશ્રમના મહંત બાળકદાસ ગુરૂ નારણદાસ ખાખી સાધુ (ઉવ-૬૪) તેમજ વિજયભાઈ ઉર્ફે વીજળી જોખુંભાઈ થારૂ (ઉવ-૨૪) હાલ નીલવડા મૂળ નેપાળ વાળાની ધરપકડ કરી હતી. પોલીસ પૂછપરછમાં આ ગાંજો જૂનાગઢના સાધુ બાવાઓ માટે વાવેતર કરેલ હોવાનું મહંતે જાણાવાયું હતું.ગાંજાનું વાવેતર કરવા સબબ પકડાયેલ મહંત બાલકદાસ અગાવ ૨૦૦૨માં પણ ગાંજાના કેસમાં તેમજ ગેરકાયદેસર હથિયાર રાખવા સબબમાં પકડાયેલ હતો અને તે બાબતે તેની સામે બાબરા પોલીસમાં કેસ પણ કરવામાં આવેલ હોવાનું પોલીસ તપાસમાં સામે આવેલ હતું.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.