(એજન્સી) નવી દિલ્હી, તા.૫
અમેરિકન ડોલરની સરખામણીમાં ભારતીય રૂપિયો સતત ગબડી રહ્યો છે જ્યારે સમગ્ર દેશમાં પેટ્રોલ-ડીઝલના વધતા ભાવના કારણે હાહાકાર મચ્યો છે. સામાન્ય જનતા મોદી સરકાર પર સતત હુમલો બોલી રહી છે. દેશના ટીવી ચેનલો પર ભાજપ નેતાઓને આ મુદ્દે આકરા પ્રશ્નોનો સામનો કરવો પડી રહ્યો છે. જેનો જવાબ આપવો પ્રવક્તાઓ માટે ભારે પડી રહ્યો છે. ખનિજ તેલની આકાશને આંબતિ કિંમતો મુદ્દે એક રાષ્ટ્રીય સમાચાર ચેનલ પર ચર્ચાનું રોહિત સરદાના સંચાલન કરી રહ્યા હતા ત્યારે સંબિત પાત્રાએ રોહિત સરદાનાને સુમીતજી કહી સંબોધિત કર્યા હતા રોહિત સરદાનાએ આ મુદ્દે ભાજપ પ્રવક્તાને વચ્ચેથી જ ટોકતાં કહ્યું કે, સુમિતજી અહીં નથી, હું રોહિત છું. ત્યાર બાદ સંબિત પાત્રાએ તુરંત માફી માંગી હતી. ઉલ્લેખનીય છે કે, કાર્યક્રમ દરમિયાન સંબિત પાત્રાએ ઈંધણની વધતી કિંમતો મુદ્દે સરકારની નીતિઓ જવાબદાર હોવાના વિપક્ષના આરોપોને ફગાવતા કહ્યું કે, તેનું મુખ્ય કારણ રૂપિયાની કિંમતમાં આવેલ ઐતિહાસિક પડતી છે. જો કે, અન્ય દેશના મુકાબલે આપણો રૂપિયો મજબૂત હોવાનો દાવો ભાજપ પ્રવક્તાએ કર્યો હતો.
- Tue, November 10, 2026
- Top Stories
- Trending
- Tue, November 10, 2026