Ahmedabad

કોંગ્રેસમાં મને હંમેશાં વિશ્વાસઘાત મળ્યો, સન્માન ન મળ્યું તેનું દુઃખ

અમદાવાદ,તા.૧૦
અલ્પેશ ઠાકોરે કોંગ્રેસમાંથી રાજીનામુ આપ્યું છે પરંતુ આ રાજીનામનો પત્ર તેેણે હજી સુધી કોંગ્રેસના જવાબદારોને પહોંચાડ્યો નથી પરંતુ સોશિયલ મીડિયામાં મુક્યો છે. પત્રમાં તેણે જે વ્યથા ઠાલવી છે. તે અક્ષરશઃ નીચે મુજબ છે. મારું જીવન સમાજસેવા સાથે જોડાયેલું છે. હું રાજનીતિમાં પણ મારા સમાજ અને ગરીબોના ઉત્થાન માટેની વિચારધારા સાથે જોડાયેલો હતો. ગરીબો પછાતોના ઘરમાં ઉજાસ કરવાના સપના મેં જોયા છે. જેને પુરા કરવા માટે મારા આત્મામાં સતત મંથન ચાલતું હોય છે. સમગ્ર ગુજરાતના મારા સેનાનાં ગરીબ યુવાનોની અવગણનાં અને અપમાનથી યુવાનોમાં ખુબ જ દુઃખ અને આક્રોશ છે. મારા માટે મારી ઠાકોર સેના સર્વોપરી છે. મને પદ કે સત્તાની લાલસા હોત તો કદાચ હું અને મારી સેના કોંગ્રેસ પાર્ટીનાં ખરાબ અને સંઘર્ષના સમયમાં ના જોડાઇ હોત માટે જ આ નિર્ણય કરવો અમારા માટે ખુબ જ દુઃખદાયક છે. મારી સેનાનો આદેશ છે જયાં અપમાન, અવગણના અને વિશ્વાસઘાત થાય ત્યાં મારે ના રહેવું જોઇએ જેથી હું કોંગ્રેસ પાર્ટીના તમામ પદ પરથી રાજનામું આપુ છું, આવી પરિસ્થિતિનું નિર્માણ થશે તે મેં કયારેય કલ્પના પણ નહોતી કરી ભારે દુઃખ અને વિશ્વાસઘાતના એહસાસ સાથે કોંગ્રેસ પાર્ટીના તમામ પદ પરથી રાજીનામું આપું છે. જેને સહજ સ્વીકાર કરશો. છેલ્લે લખ્યુ છે કે, કોઇ એક બાબતની ઉણપ રહી સન્માન..સન્માન અને સન્માન..જેનું ભારોભાર દુઃખ છે. કોઇ એક બાબત હંમેશા મળી વિશ્વાસઘાત.. વિશ્વાસઘાત.. વિશ્વાસઘાત.. લિ.અલ્પેશ ઠાકોર