Ahmedabad

ભાજપને હરાવવા શંકરસિંહ વાઘેલા મેદાને, કોંગ્રેસના ઉમેદવારની સભામાં રહ્યા હાજર

અમદાવાદ, તા.૧૮
તાજેતરમાં જ નેશનલ કોંગ્રેસ પાર્ટી (એનસીપી)માં જોડાયેલા શંકરસિંહ વાઘેલાએ લોકસભા ચૂંટણી ૨૦૧૯માં કોંગ્રેસના ઉમેદવારને પોતાનું સમર્થન આપ્યું છે. શંકરસિંહ વાઘેલાએ આગામી ચૂંટણીમાં કોંગ્રેસના ગાંધીનગર બેઠકના ઉમેદવાર સી.જે. ચાવડાને પોતાનું સમર્થન આપ્યું છે.
એનસીપી નેતા શંકરસિંહ વાઘેલા સી.જે. ચાવડાના સંમેલનમાં પણ હાજરી આપી હતી. સી.જે. ચાવડાની સભામાં જ્યાં શંકરસિંહ વાઘેલા પણ સ્ટેજ પર બેઠેલા દેખાયા હતા ત્યારે તેઓ ભારતીય જનતા પાર્ટીના અમિત શાહને હરાવવા મેદાને પડ્યા હતા તેવું સર્જાયું હતું. સી.જે. ચાવડાને શંકરસિંહ વાઘેલાના નજીકના વ્યક્તિ માનવામાં આવે છે. પહેલાથી જ આ અટકળો ચાલી રહી હતી કે, શંકરસિંહ વાઘેલા સી.જે. ચાવડાના સમર્થનમાં આવશે. ગાંધીનગર બેઠક પર ભારતીય જનતા પાર્ટીએ પાર્ટીના જ અધ્યક્ષ અમિત શાહને ઊભા રાખ્યા છે, ત્યારે એનસીપીનું કોંગ્રેસને સમર્થન મળતા મતોની વહેંચણી અટકશે, જેનો સીધો ફાયદો કોંગ્રેસ પાર્ટીને થશે, તેવું કહેવાય છેે ત્યારે શંકરસિંહ વાઘેલાએ ખુલીને કોંગ્રેસના સમર્થનમાં આવતા ભાજપ માટે મુશ્કેલી વધશે તેવું લાગી રહ્યું છે. બીજી તરફ એનસીપીના નેતા શંકરસિંહ વાઘેલા વડોદરાની મુલાકાતે આવ્યા હતા. જ્યાં શંકરસિંહ વાઘેલાએ જણાવ્યું હતું કે, આ વખતે એન્ટી બીજેપી સરકાર આવશે. આ વખતની ચૂંટણીમાં એન.ડી.એ. અને યુ.પી.એ. બંને પૈકી એકપણને સ્પષ્ટ બહુમતી મળશે નહીં. આ વખતે ત્રીજો મોરચો સત્તામાં આવશે. ભાજપની ૧૦૦થી સીટો ઘટશે. એન.ડી.એ.ને ૧૪૦થી ૧૬૦ સીટો મળશે. અને ત્રીજો મોરચો ૩૨૫ સીટો લાવશે. આ ત્રીજો મોરચો વડાપ્રધાન નક્કી કરશે. વડાપ્રધાન પણ એવા બનશે જે ઇલેકટેડ મેમ્બરોને પસંદ પડતા મુદ્દા સાથે ચાલશે. તેવું મારૂં રાજકીય વિશ્લેષણ છે.

About author

Articles

"VOICE OF TRUE JOURNALISM"
    Related posts
    Ahmedabad

    અમદાવાદ એરપોર્ટ પર આવી પહોંચતા જ ATSએ તેમની કરી ધરપકડISIS સાથે સંકળાયેલ શ્રીલંકાના ચાર શંકાસ્પદ આતંકવાદીઓને ઝડપી લેવાયા

    ATSના ડીવાયએસપીને ૧૮ મેએ બાતમી મળ…
    Read more
    AhmedabadGujarat

    માવઠાના માર બાદ અગનભઠ્ઠીમાં શેકાયું ગુજરાત : સુરેન્દ્રનગરમાં પારો ૪૪.૭ ડિગ્રી

    ડીસામાં ૪૪.૪, અમદાવાદમાં ૪૪.ર અને…
    Read more
    Ahmedabad

    લોકસભાની ચૂંટણીમાં અમદાવાદ શહેરન…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.