(એજન્સી) ન્યૂયોર્ક, તા.૯
બુધવારે યુએસ શરણાર્થી કાયદાનો વિરોધ કરતી એક મહિલા સ્ટેચ્યુ ઓફ લિબર્ટીના આધારસ્તંભ પર ચઢી ગઈ હતી, તેણી અમેરિકી રાષ્ટ્રપતિ ડોનાલ્ડ ટ્રમ્પની વિરૂદ્ધના સાપ્તાહિક વિરોધ પ્રદર્શનમાં ભાગ લેતી હતી. સૂત્રોના જણાવ્યા અનુસાર, કોંગોની એક શરણાર્થી પેટ્રીસિયા ઓકૌમૌ જ્યારથી ગ્રુપ રાઈઝ એન્ડ રેસિસ્ટ, જય વાલ્કરમાં જોડાઈ હતી ત્યારથી તે અઠવાડિયામાં એક વખત ટ્રમ્પ વિરૂદ્ધ વિરોધ પ્રદર્શનમાં ભાગ લેતી હતી. આ મહિલા સ્ટેચ્યુ ઓફ લિબર્ટી પર ચઢી ગઈ હતી. આ મહિલાને જ્યારે કહેવામાં આવ્યું કે, તેણી નીચે ઉતરી જાય ત્યારે તેણીએ સ્પષ્ટપણે ઈન્કાર કરી દીધો. તેણીની લગભગ સાડા ત્રણ કલાક સુધી ત્યાં બેસેલી રહી. ન્યૂયોર્ક પોલીસ વિભાગના સૂત્રોએ જણાવ્યું કે, મહિલાએ ત્યાં સુધી નીચે ઉતરવાની ના પાડી કે જ્યાં સુધી દરેક બાળકોને અટકાયત કેન્દ્રમાંથી મુક્ત કરી દેવામાં ના આવે. આખરે આ ૪૪ વર્ષીય મહિલાને ન્યૂયોર્ક પોલીસ વિભાગના ૧૬ અધિકારીઓની મહા મહેનતે નીચે ઉતારવામાં આવી. ઉલ્લેખનીય છે કે, તાજેતરમાં જ ટ્રમ્પની શરણાર્થી નીતિની વિરૂદ્ધ રેલી યોજવા માટે લગભગ ૬૦૦ મહિલાઓની ધરપકડ કરવામાં આવી હતી. જો કે, થોડા સમય બાદ તેમને મુક્ત કરવામાં આવ્યા હતા.
- Tue, November 10, 2026
- Top Stories
- Trending
- Tue, November 10, 2026