National

તમે માનવીની હત્યા કર્યા વિના ગાયને પ્રેમ કરો : સુદેવી દાસી

(એજન્સી) તા.રર
યુપીના મથુરામાં તીર્થયાત્રીઓની ભીડથી અલગ એક નાનકડું ગામ ચર્ચામાં છે. અહીંની એક ગૌશાળા સુરભિ ગૌ સેવા નિકેતનમાં બીમાર અને ઘાયલ થઈ ચૂકેલી ગાયોની સારસંભાળ લેવાય છે. ૪૦ વર્ષોથી ગાયની સેવામાં જોડાયેલા કૃષ્ણભક્ત, જર્મન મહિલા ફ્રેડરિક ઈરીના બ્રૂનિંગને સરકારે પદ્મ પુરસ્કારથી સન્માનિત કર્યા હતા. બ્રૂનિંગ વિસ્તારમાં સુદેવી માતાજીના નામે ચર્ચિત છે. ફ્રેડરિક ત્યારે ૨૦ વર્ષની હતી જ્યારે તે ભારતના પ્રવાસ દરમિયાન મથુરા આવી હતી અને અહીં જ રહેવા લાગી હતી. સુદેવી દાસી કહે છે કે ભગવત ગીતામાં મેં મારા જીવન સંબંધિત અનેક સવાલોના જવાબ મેળવ્યા અને મહેસૂસ કર્યુ કે ફક્ત એક જ ગુરુ મને સાચા માર્ગે લઈ જઈ શકે છે. એટલા માટે મેં દીક્ષા લીધી અને મથુરામાં રહેવાની શરૂઆત કરી. આ દરમિયાન મેં રોડ પર રઝળતી એક ગાય જોઈ. એ ગાયની દુર્દશાએ સુદેવીને એટલી દુઃખી કરી કે તે તેને ઘરે લઈ આવી. સુદેવી કહે છે કે તેના પગ ઘાયલ થઈ ગયા હતા અને શરીરમાં કીડા પડી ગયા હતા. લગભગ ૪૦ વર્ષ પહેલા એક ગાયથી શરૂ થયેલ આ સિલસિલો હવે ૧૮૦૦થી વધુ ગાય સુધી પહોંચી ગયો છે. એક એવો સમય પણ આવ્યો જ્યારે સુદેવીએ વધારે ગાયોને ન રાખવાનો નિર્ણય કર્યો કેમ કે તેમની પાસે જગ્યા નહોતી. પરંતુ તે ખુદને રોકી ના શક્યા. આજે તે ગાયના કલ્યાણ માટે દર મહિને લગભગ ૩૦ લાખ રૂપિયા ખર્ચ કરે છે. જેનો એક હિસ્સો જર્મનીથી તેમના પિતા દ્વારા મોકલાય છે. સુદેવી કહે છે કે કૃષ્ણના નજીકના હોવાને કારણે ગાય ખાસ છે. તેની રક્ષા કરવી જોઈએ. ગાયની તુલના બાળકો સાથે કરતા સુદેવી પૂછે છે કે શું તેમને પોતાના બાળકોને મારવાની છૂટ આપવી જોઇએ. સુદેવી કહે છે કે મને લાગે છે કે ગૌરક્ષાને લઈને હિંસા ન કરવી જોઈએ. તે કહે છે કે ગાયની રક્ષા જરૂરી છે પણ તેના માટે કોઈ માનવી સાથે મારપીટ કરવી યોગ્ય નથી. કોઇનો જીવ લેવો એ યોગ્ય નથી.

About author

Articles

"VOICE OF TRUE JOURNALISM"
    Related posts
    National

    એક્સક્લુસિવ : ભાજપના આઈકોન એસપી મુખરજી ગાંધીજીના હત્યારાને બચાવવા માટે ભંડોળ ઊભું કરવામાં ભાગીદાર હતા

    કટ્ટરતા – ભારત ભૂષણ મહાત્મા…
    Read more
    NationalPolitics

    ભાજપની ત્રિરંગા યાત્રાથી ખુશ થવાની જરૂર નથી, RSS ત્રિરંગાથી નફરત કરે છે

    નરેન્દ્ર મોદી સરકારે સ્વતંત્રતાની ૭૦…
    Read more
    National

    મુસ્લિમોએ માત્ર રક્ષાત્મક થવાને બદલે પાશ્ચાત્યવાદ અને હિન્દુત્વ સામે પ્રશ્નો ઊભા કરવાની જરૂર છે

    જરૂરિયાત – ડો. જાવિદ જમીલ હવે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.