Gujarat

સુરતમાંથી બાઈકોની ચોરી કરનાર આરોપી મહેસાણામાં ઝડપાયો

આરોપીએ ૧૬ બાઈકો ચોરી કર્યાની કબુલાત કરી    

મહેસાણા પોલીસે શહેરમાં વાહન ચેકિંગ દરમ્યાન વાહનચોરી કરતા એક રીઢા આરોપીની ધરપકડ કરી હતી જેણે સૂરતમાંથી ૧૬ બાઈકો ચોરી હોવાની કબુલાત કરી હતી ઈનસેટ તસ્વીરમાં આરોપી અને મદ્દામાલ સાથે પોલીસ જણાય છે.

તસ્વીર-રઈસ સૈયદ,મહેસાણા

 

 

( સંવાદદાતા દ્રારા)                                                      મહેસાણા, તા.૧૦

સુરત શહેર તથા આસપાસના વિસ્તારોમાંથી મોટરસાયકલ ચોરી કરીને સસ્તામાં લોકોને પધરાવી દેનાર એક આરોપીને આજે મહેસાણા પોલીસે ઝડપી લીધો હતો.તેની પાસેથી ચોરી કરેલી બાઈકો સાથે કુલ રૂ.૨.૧૫ લાખનો મુદ્દામાલ કબ્જે લેવામાં આવ્યો છે.જયારે આરોપીએ કરેલી કબુલાતમાં ૧૬ ગુનાઓ ઉપરથી પડદો ઉંચકાયો છે.

આ અંગે પોલીસ સુત્રોમાંથી જાણવા મળતી વિગતો અનુસાર મહેસાણા એસઓજીના પીએસઆઈ વાયએમ.બહેલીમ,એસ.એન.પરમાર તેમજ પોલીસ સ્ટાફ મહેસાણામાં વાહન ચેકિંગ કરી રહયા હતા.તે વખતે નંબરપ્લેટ વગરના એક મોટરસાયકલ નીકળતાં પોલીસે તેને અટકાવ્યો હતો.અને બાઈકસવારની પુછપરછ કરતાં તે થોથવાઈ ગયો હતો.અને આ બાઈક તેણે સૂરતના અડાજણમાં આવેલ લેકવ્યુ ફલેટ નજીકથી ચોરી હોવાની ચોંકાવનારી કબુલાત કરી હતી.જેથી પોલીસે તેની અટકાયત કરીને સઘન પુછપરછ કરતાં આરોપી વેેલાભાઈ નારણભાઈ દેસાઈ રહે,ભગવાનપુરા,તા.ડીસાવાળાએ અગાઉ સૂરતમાં આવેલા અમરોલી પાળા, ઓલપાડ, દાંડી રોડ, કિમ ચોકડી, ભાઠા ગામ, પાલ ગામ, મોરા ભાગોળ, પાલનપુર પાટીયા જેવા વિસ્તારોમાંથી બીજી ૧૫ બાઈકો ચોરી કરી હોવાની કબુલાત કરી હતી.પોલીસ સુત્રોએ જણાવ્યા પ્રમાણે ઝડપાયેલા આરોપીના રિમાન્ડ મેળવવા તજવીજ હાથ ધરવામાં આવી છે.જેમાં હજુ પણ અન્ય વાહનચોરીના ગુનાઓ પરથી પડદો ઉંચકાય તેવી સંભાવના જણાય છે.

Related posts
Gujarat

ભાજપના પૂર્વ કેબિનેટ મંત્રી ચાવડાનો સોશિયલ મીડિયા એકાઉન્ટ પર ઈશારો : વીડિયો વાયરલ

ગુજરાત ભાજપમાં ફરી એકવાર નવા-જૂન…
Read more
Crime DiaryGujarat

રાજકોટનો ગેમઝોન ભયંકર આગમાં બન્યો મોતનો ઝોન : ર૮નાં કરૂણ મોત

માત્ર એક કલાકમાં જ ર૪ જેટલા મૃતદેહો…
Read more
Gujarat

હિંમતનગરના ગામડી પાસે નેશનલ હાઈવે પર વાહનની ટક્કરે વ્યક્તિનું મોત ઉશ્કેરાયેલા લોકોએ હાઈવે બ્લોક કર્યો પોલીસ પર પથ્થરમારો કરી વાનને આગ ચાંપી

ટોળાને વિખેરવા ટીયરગેસના ૧ર૦થી વધુ…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.

Leave a Reply

Your email address will not be published. Required fields are marked *