International

મોદી સાથે મુલાકાત પહેલા જ ટ્રમ્પની ધમકી, ‘ભારતનો ટેક્ષ વધારો સ્વીકાર્ય નથી, પરત લેવો પડશે’

(એજન્સી) ઓસાકા, તા. ૨૭
જાપાનમાં આયોજિત જી-૨૦ શિખર સંમેલનમાં વડાપ્રધાન મોદી સાથે મુલાકાત પહેલા જ અમેરિકાના રાષ્ટ્રપતિ ડોનાલ્ડ ટ્રમ્પે ભારતના ધમકીભર્યા સૂરમાં ટેક્ષ વધારો ઓછો કરવાનું કહ્યું છે. ટ્રમ્પે ગુરૂવારે ભારત દ્વારા અમેરિકી ઉત્પાદનો પર ટેક્ષને અસ્વીકાર્ય ગણાવ્યું હતું એ તેને પરત લેવાની માગ કરી હતી. જાપાનના ઓસાકા શહેરમાં પીએમ મોદી અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચે દ્વિપક્ષીય મુલાકાત થશે. ટ્રમ્પે પોતાના ટિ્‌વટમાં જણાવ્યું કે, હું વડાપ્રધાન નરેન્દ્ર મોદી સાથે એવા મુદ્દાઓ અંગે મળવા માટે ઉત્સાહિત છું જે અનુસાર અમેરિકા પર ઘણા વર્ષોથી ઘણો વધારે ટેક્ષ લગાવાયો છે અને તાજેતરમાં જ ટેક્ષમાં વધુ વધારો કરાયો છે. આ અસ્વીકાર્ય છે અને તેને ઓછો કરવો પડશે. ઉલ્લેખનીય છે કે, ઓસાકામાં યોજાનારી જી-૨૦ શિખર બેઠકમાં સામેલ થવા પીએમ મોદી જાપાન પહોંચી ગયા છે. ડોનાલ્ડ ટ્રમ્પ પણ બુધવારે અમેરિકાથી રવાના થયા હતા. પીએમ મોદી અહીં ડોનાલ્ડ ટ્રમ્પ ઉપરાંત ચીનના રાષ્ટ્રપતિ શી જિનપિંગ અને વિશ્વ બેંકના અનેક અધિકારીઓ સાથે મુલાકાત કરશે. જાપાનના ઓસાકામાં આ સંમેલન ૨૮-૨૯ જુને આયોજિત કરવામાં આવ્યું છે. જાપાન પહોંચ્યા બાદ પીએમ મોદીએ વડાપ્રધાન શિન્જો આબે સાથે મુલાકાત કરી હતી. તેમણે આ દરમિયાન જણાવ્યું હતું કે રાષ્ટ્રપતિ રામનાથ કોવિંદ ઓક્ટોબરમાં સમ્રાટ નારૂહિતોના રાજ્યાભિષેક સમારોહમાં ભાગ લેશે. સાથે જ તેમણે જી-૨૦ના અધ્યક્ષ તરીકે જાપાનના નેતૃત્વની પણ પ્રશંસા કરી હતી.

About author

Articles

"VOICE OF TRUE JOURNALISM"
    Related posts
    International

    ‘ખૂબ જ દુઃખદ અને આઘાતજનક’ : ભારતે દુર્ઘટનામાં ઈરાની રાષ્ટ્રપતિ રઈસી અને વિદેશમંત્રીના મૃત્યુ પર શોક વ્યક્ત કર્યો

    ઈરાનના રાષ્ટ્રપતિ રઈસીના નિધન પર…
    Read more
    International

    હેલિકોપ્ટર દુર્ઘટનામાં ઇરાનના રાષ્ટ્રપતિ અને વિદેશમંત્રીના મૃત્યુ, મુસ્લિમ જગતમાં શોક

    અઝરબૈજાનના સરહદી વિસ્તારમાંથી પરત…
    Read more
    International

    અલ-અઝહર અને અરબ સંસદે રફાહમાંઈઝરાયેલી હુમલાની ટીકા કરી

    (એજન્સી) તા.૯ઈસ્લામની સર્વોચ્ચ શિક્ષણ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.