Gujarat

ઉધનામાં ચાર સિટી બસની તોડફોડ કરનાર ૧ર આરોપીની ધરપકડ

સુરત, તા.ર૪
ઉધના મેઇન રોડ પર ગુરૂદ્વારા પાસે સીટી બસની અડફેટે એક યુવાનનું મોત થતાં લોકોના ટોળા ભેગા થઇ ગયા હતા. ઉશ્કેરાયેલા લોકોએ ચાર જેટલી બસને નિશાન બનાવી તોડફોડ કરી હતી. જો કે આ પ્રકરણમાં પોલીસે સીસીટીવી કેમેરાના ફુટેજના આધારે ૧૨ જેટલા તોફાની તત્વોની ધરપકડ કરી છે.
ઉધનાના હરીનગર સ્થિત ધર્મયુગ સોસાયટીમાં ગૌતમ મધુસુદન મલેક પોતાના પરિવાર સાથે રહેતો હતો અને લુમ્સ ફેકટરીમાં નોકરી કરી પરિવારનું ગુજરાન ચલાવતો હતો. શુક્રવારે રાત્રે ગૌતમ ઉધના મેઇન રોડ પરના ગુરૂદ્વારા પાસે પગપાળા રોડ ક્રોસ કરતી વખતે સીટી બસે અડફેટે લેતા તેનું ઘટના સ્થળે કમકમાટીભર્યુ મોત નિપજ્યું હતું. અકસ્માતને પગલે સ્થળ પર લોકોનું ટોળું એકત્રિત થઇ ગયું હતું. ત્યારબાદ ટોળાએ ઉશ્કેરાઇ જઇ સીટી બસના ચાલક કરશન રવજીભાઇ પરમારને ઢોર મારમારી ટોળાએ ચાર જેટલી બસોને નિશાન બનાવી તેના ઉપર પથ્થમારો કરી બસને ૧ લાખથી વધુનું નુકશાન પહોંચાડ્યું હતું. જો કે ઘટના અંગેની જાણ થતાં જ ઉધના પોલીસ સહિત ઉચ્ચ અધિકારીઓનો કાફલો ઘટના સ્થળે ધસી આવી ટોળાને વિખેરી નાંખી મામલો થાળે પાડ્યો હતો. બનાવ અંગે ઉધના પોલીસે બસ ચાલકની ફરિયાદના આધારે રાયોટીંગનો ગુનો નોંધી તપાસ હાથ ધરી હતી. દરમ્યાન પોલીસે સીસીટીવી ફુટેજના આધારે બસ પર પથ્થરમારો કરનાર સાહીલ શેખ, રવિ કનોજીયા, વિકાસ રાઠોડ, સુફીયાન અન્સારી, શશીપાલ નાઇ, રવિન્દ્ર સોનવણે, રાહુલ માળી, પંકજ શર્મા અને અન્ય ચાર સગીર વયના આરોપી સહિત ૧૨ની ધરપકડ કરી હતી.

About author

Articles

"VOICE OF TRUE JOURNALISM"
    Related posts
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    CrimeGujarat

    કટ્ટરવાદી કાજલ શિંઘાળાએ મુસ્લિમ મહિલાઓ અને મુસ્લિમ સમાજ વિશે અશોભનીય બફાટ કરતા પ્રચંડ રોષની લાગણી

    મુસ્લિમ મહિલાઓની આબરૂ તથા અસ્મિતાનું…
    Read more
    CrimeGujarat

    વિદ્યાર્થીએ ટિકિટ માંગી તો કંડક્ટરે લોહીલુહાણ કર્યોલીંબડી બસ સ્ટેન્ડમાં એસટી બસના કંડક્ટરે વિદ્યાર્થીને માર મારતો વીડિયો વાયરલ

    વિદ્યાર્થીને માથાના ભાગે ઈજા થતાં…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.