Gujarat

યુવતીની લાજ લૂંટી હત્યાના બનાવમાં આરોપીની બાતમી આપનારને પ૦ હજારનું ઈનામ

બિલિમોરા,તા.ર૧
બિલિમોરા નજીક ખાપરવાડા ગામે લગભગ ચારેક વર્ષ અગાઉ એક યુવતીની બળાત્કાર કરી હત્યા કરી દેવાયેલી કેસમાં આરોપીને પોલીસ પકડી શકી નથી. બિલિમોરા નજીક ખાપરવાડા ગામ જોરાવાસણ સ્ટેશન નજીક ચારેક વર્ષ અગાઉ તા.૩૧-૧૦-ર૦૧૩ના રોજ વહેલી સવારે કોઈ અજાણ્યા ઈસ્મોએ ર૦ વર્ષીય યુવતીને નજીક વાડીમાં લઈ જઈ તેણીના ઉપર બળાત્કાર કરી તેની હત્યા કરી લાશ વાડીમાં નાખી નાસી ગયા હતા, આ ઘટનાથી સમગ્ર દક્ષિણ ગુજરાતમાં હાહાકાર મચી જવા પામ્યો હતો. આ બનેલી ઘટનાની પોલીસે તપાસ કરી ગુનાના આરોપીને શોધી કાઢવા આકાશ પાતાળ એક કર્યા હતા. પરંતુ પોલીસને આ મામલે કોઈ સફળતા મળી ન હતી. પીડિતના પરિવારે હાઈકોર્ટના દરવાજા ખખડાવ્યા હતા અને આ કેસની તપાસ સીઆઈડી ક્રાઈમ બ્રાન્ચ કે સીબીઆઈને સોંપવામાં આવે એવી માગણી કરી હતી.
જેમાં હાઈકોર્ટ દ્વારા ગત તા.૧-૪-ર૦૧પના રોજ આ કેસની તપાસ રાજય સીઆઈડીને સોંપવામાં આવી હતી. આ કેસમાં ગુનેગારોનું પગેેરૂં શોધવા બધા જ પાસાની તપાસ ઝીણવટપૂર્વક તપાસ હાથ ધરાઈ હતી. વૈજ્ઞાનિક પધ્ધતિ ફોરેન્સિકની મદદથી ઘણા શકમંદોની પૂછપરછ કરવા છતાં આ કેસમાં કોઈપણ પ્રકારની સીઆઈડી ક્રાઈમને સફળતા મળી ન હતી અને આજે પણ તપાસ ચાલુ જ છે આ કારણે ગુજરાત રાજયના સીઆઈડી ક્રાઈમના પોલસી મહાનિર્દેશક આશિષ ભાટિયા તથા અધિક પોલીસ મહાનિર્દેશક અનિલ પ્રથમના માર્ગદર્શન હેઠળ તપાસ કરી રહેલા ડિટેકટીવ સીઆઈડી ક્રાઈમના પી.આઈ.બી.વી. પંડયા દ્વારા બોલાવાયેલી પત્રકાર પરિષદમાં આ કેસ ગુનાના આરોપીની બાતમી કે સચોટ માહિતી આપનારનું નામ ગુપ્ત રાખવાની શરતે રૂા.પ૦ હજારનું રોકડ ઈનામ આપવાની જાહેરાત કરી હતી.

About author

Articles

"VOICE OF TRUE JOURNALISM"
    Related posts
    Crime DiaryGujarat

    રાજકોટનો ગેમઝોન ભયંકર આગમાં બન્યો મોતનો ઝોન : ર૮નાં કરૂણ મોત

    માત્ર એક કલાકમાં જ ર૪ જેટલા મૃતદેહો…
    Read more
    Gujarat

    હિંમતનગરના ગામડી પાસે નેશનલ હાઈવે પર વાહનની ટક્કરે વ્યક્તિનું મોત ઉશ્કેરાયેલા લોકોએ હાઈવે બ્લોક કર્યો પોલીસ પર પથ્થરમારો કરી વાનને આગ ચાંપી

    ટોળાને વિખેરવા ટીયરગેસના ૧ર૦થી વધુ…
    Read more
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.