(એજન્સી) તા.૧૬
ઇઝરાયેલી સૈન્યએ ઘેરાયેલા ગાઝા પટ્ટીમાંથી સેંકડો ગધેડાઓની ચોરી કરી તેમને ઇઝરાયેલમાં દાણચોરી કરી અને પુનઃનિર્માણમાં તેનો ઉપયોગ અટકાવવા માટે તેમને ફ્રાન્સ લઇ ગયા. કાનના જણાવ્યા મુજબ, ગાઝા પટ્ટીમાંથી ડઝનેક ગધેડાઓની સંગઠિત લૂંટ ઇઝરાયેલી સંસ્થાઓ અને યુરોપીયન સંસ્થાઓ, ખાસ કરીને ફ્રેન્ચ અને બેલ્જિયમ સંસ્થાઓની ભાગીદારીથી કરવામાં આવી હતી.અહેવાલ મુજબ, ઇઝરાયેલી સૈનિકોએ ગાઝા પટ્ટીની અંદરના કબજાવાળા પ્રદેશોમાંથી "બીમારી અને ઉપેક્ષાથી બચાવવા"ના બહાના હેઠળ ગધેડાઓની ચોરી કરી છે. ઇઝરાયેલી મીડિયાએ "પશુચિકિત્સા બચાવ કામગીરી" તરીકે લૂંટની જાણ કરી, તેમના પેલેસ્ટીની માલિકોનો ઉલ્લેખ કરવાની અવગણના કરી, જેઓ ગાઝામાં ઇઝરાયેલી નરસંહારના હુમલાઓથી બચવા માટે પરિવહનના આવશ્યક સાધન તરીકે મુખ્યત્વે આ પ્રાણીઓ પર આધાર રાખતા હતા. આંતરરાષ્ટ્રીય કાયદા હેઠળ, સશસ્ત્ર સંઘર્ષ દરમિયાન નાગરિક સંપત્તિની બળજબરીથી જપ્તીને યુદ્ધ અપરાધ તરીકે વર્ગીકૃત કરવામાં આવે છે.કાનના અહેવાલમાં જાણવા મળ્યું છે કે ગાઝામાંથી એકત્રિત કરાયેલા ગધેડાઓ શેરોન કોહેન દ્વારા સંચાલિત તેલ અવીવની દક્ષિણે મોશાવ હારોટમાં "સ્ટાર્ટિંગ ઓવર સેનચ્યુરી" નામના ઇઝરાયેલી ફાર્મમાં સ્થળાંતરિત કરવામાં આવ્યા હતા.ફાર્મની વેબસાઈટ પ્રાણીઓને "મનોવૈજ્ઞાનિક આઘાત"ના પીડિતો તરીકે રજૂ કરે છે અને દાવો કરે છે કે તેમને વિશેષ સારવારની જરૂર છે, જ્યારે તેમના મૂળ માલિકો સાથે કોઈ સંપર્ક કરવામાં આવ્યો નથી, અને ટ્રાન્સફરની કાયદેસરતાને સાબિત કરવા માટે કોઈ માલિકીના દસ્તાવેજો પ્રદાન કરવામાં આવ્યા નથી. કાને જણાવ્યું કે ૫૮ ગધેડાઓનું પ્રથમ શિપમેન્ટ ૧૮ મે ૨૦૨૫ના રોજ બેન ગુરિયન એરપોર્ટથી બેલ્જિયમના લીજ એરપોર્ટ અને પછી ફ્રાન્સ અને બેલ્જિયમના પ્રાણીઓના આશ્રયસ્થાનોમાં રવાના થયું હતું. શિપમેન્ટનું સંકલન નેટવર્ક ફોર એનિમલ્સ સંસ્થા દ્વારા કરવામાં આવ્યું હતું, જેનું સંચાલન ગ્લોરિયા ડેવિસ અને શેનોન એડવડ્ર્સ અને ઇઝરાયેલી કંપની ઓરિઅન કાર્ગો દ્વારા કરવામાં આવ્યું હતું.
- Thu, April 30, 2026
- Top Stories
- Trending
- Thu, April 30, 2026
