(એજન્સી) તા.૧૨
ગાઝામાં ઇઝરાયેલી સેનાના ગોળીબારમાં અન્ય એક પેલેસ્ટીની પત્રકારનું મૃત્યુ થયું છે, સ્થાનિક અધિકારીઓએ ગુરૂવારે જણાવ્યું હતું કે, ઓક્ટોબર ૨૦૨૩થી મૃત્યુઆંક વધીને ૨૨૯ થયો છે. કેન્દ્રીય ગાઝામાં નુસરત શરણાર્થી શિબિરની પશ્ચિમે આવેલા સવર્હા વિસ્તારમાં તેમના ઘરની સામે ઇઝરાયેલી ડ્રોન દ્વારા કરવામાં આવેલા સીધા હુમલામાં અહેમદ અબુ આઇશાનું મૃત્યુ થયું હતું. કાર્યાલયે ‘ગાઝામાં પેલેસ્ટીની પત્રકારોની ઇઝરાયેલની પદ્ધતિસરની હત્યા’ની ટીકા કરી અને માનવ અધિકારો અને મીડિયા સંસ્થાઓને ‘ગાઝાના પત્રકારો સામેના આ વ્યવસ્થિત ગુનાઓની ટીકા કરવા’ માંગ કરી. યુદ્ધવિરામના કોલને નકારીને ઇઝરાયેલી સેનાએ ૭ ઓક્ટોબર, ૨૦૨૩થી ગાઝા પટ્ટી પર તેનું ક્રૂર આક્રમણ ચાલુ રાખ્યું છે, જેમાં અત્યાર સુધીમાં લગભગ ૫૬,૮૦૦ પેલેસ્ટીનીઓની હત્યા કરવામાં આવી છે, જેમાંથી મોટાભાગની મહિલાઓ અને બાળકો છે. ઇન્ટરનેશનલ ક્રિમિનલ કોર્ટે ગયા નવેમ્બરમાં ઇઝરાયેલના વડાપ્રધાન બેન્જામિન નેતાન્યાહુ અને તેમના પૂર્વ સંરક્ષણ મંત્રી યોવ ગાલાન્ટ માટે ગાઝામાં યુદ્ધ અપરાધો અને માનવતા વિરૂદ્ધના ગુનાઓ માટે ધરપકડ વોરંટ જારી કર્યું હતું. ઇઝરાયેલ ગાઝા પરના યુદ્ધ માટે આંતરરાષ્ટ્રીય ન્યાય અદાલતમાં નરસંહાર માટે પણ ટ્રાયલ પર છે.
- Thu, April 30, 2026
- Top Stories
- Trending
- Thu, April 30, 2026
