(એજન્સી) તા.૧
પેલેસ્ટીની શરણાર્થીઓ માટેની સંયુક્ત રાષ્ટ્ર એજન્સી (UNRWA)એ બુધવારે ચેતવણી આપી હતી કે કબજા હેઠળના પૂર્વ જેરૂસલેમમાં યુએન સંચાલિત છ શાળાઓ બંધ કરવાના ઇઝરાયલી આદેશથી લગભગ ૮૦૦ પેલેસ્ટીની વિદ્યાર્થીઓ શિક્ષણના અધિકારથી વંચિત રહી શકે છે.ઇઝરાયલી સત્તાવાળાઓએ શુ‘ફત શરણાર્થી શિબિરમાં શાળાઓને લાઇસન્સના અભાવે ૮ મે સુધી બંધ રાખવાનો આદેશ આપ્યો. આ આદેશો હેઠળ, આચાર્ય, શિક્ષકો અને અન્ય સ્ટાફ સહિત કોઈપણ વ્યક્તિને શાળાઓમાં જવાની મંજૂરી આપવામાં આવશે નહીં. “આ આદેશો આંતરરાષ્ટ્રીય કાયદા હેઠળ ઇઝરાયલની જવાબદારીઓનું ઉલ્લંઘન કરે છે,“UNRWAએ એક નિવેદનમાં જણાવ્યું હતું. મંગળવારે, ૧૨ UNRWA ભાગીદારોના સંયુક્ત પ્રતિનિધિમંડળે ઇઝરાયલના બંધના આદેશો સામે આંતરરાષ્ટ્રીય સમર્થન દર્શાવવા અને વિદ્યાર્થીઓ, વાલીઓ અને સ્ટાફ પાસેથી પરિસ્થિતિ વિશે સીધી વાત સાંભળવા માટે શિબિરની મુલાકાત લીધી. “શુઆફતમાં UNRWA શાળાઓ દાયકાઓથી શિબિરના સામાજિક માળખાનો ભાગ રહી છે, જેનાથી બાળકો તેમના ઘરની નજીક ઉચ્ચ-ગુણવત્તાવાળા શિક્ષણનો આનંદ માણી શકે છે,”UNRWA એજન્સીએ જણાવ્યું હતું. “યુવાન છોકરીઓને હવે ડર છે કે જો તેઓ શિક્ષણની સુવિધા ગુમાવશે તો ડોક્ટર કે વૈજ્ઞાનિક બનવાના તેમના સપના ચકનાચૂર થઈ જશે.” ઇઝરાયલી બંધ કરવાના આદેશોને તેલ અવીવના ેંદ્ગઇઉછ અને પેલેસ્ટીની શરણાર્થીઓને સેવા આપવાના તેના આદેશ સામેના વ્યાપક અભિયાનના ભાગ રૂપે જોવામાં આવે છે. ઓક્ટોબર ૨૦૨૪માં, ઇઝરાયેલી નેસેટ (સંસદ)એ બે કાયદા પસાર કર્યા જેમાંUNRWAને ઇઝરાયલ અને કબજા હેઠળના પ્રદેશોમાં કામ કરવા પર પ્રતિબંધ મૂકવામાં આવ્યો અને ઇઝરાયેલી અધિકારીઓને એજન્સી સાથે કોઈપણ સંપર્ક રાખવા પર પ્રતિબંધ મૂકવામાં આવ્યો. આ કાયદા ૩૦ જાન્યુઆરીથી અમલમાં આવ્યા. ઇઝરાયલનો આરોપ છે કેUNRWA સ્ટાફ ૭ ઓકટોબર ૨૦૨૩ના રોજ હમાસના હુમલામાં સામેલ હતો, જે આરોપને યુએન એજન્સી સખત રીતે નકારે છે. ૧૯૪૯માં સ્થાપિત,UNRWAએ પેલેસ્ટીની શરણાર્થીઓ માટે એક મહત્ત્વપૂર્ણ જીવનરેખા તરીકે સેવા આપી છે, ગાઝા, વેસ્ટ બેન્ક, જોર્ડન, સીરિયા અને લેબેનોનમાં લગભગ ૫૯ લાખ લોકોને મદદ કરી છે.
- Thu, April 2, 2026
- Top Stories
- Trending
- Thu, April 2, 2026
