(એજન્સી) તા.૧૦
પાછલા ૨૪ કલાકમાં ગાઝા પટ્ટીમાં ઇઝરાયેલી હુમલામાં ઓછામાં ઓછા ૫૯ વધુ પેલેસ્ટીની મૃત્યુ પામ્યા છે, આરોગ્ય મંત્રાલયે શનિવારે જણાવ્યું કે, ઓકટોબર ૨૦૨૩થી અત્યારસુધીમાં કુલ મૃત્યુઆંક ૪૫,૭૧૭ થયો છે. મંત્રાલયના એક નિવેદનમાં જણાવવામાં આવ્યું છે કે ચાલુ હુમલામાં લગભગ ૧,૦૮,૮૫૬ લોકો ઘાયલ થયા છે. મંત્રાલયે જણાવ્યું કે, ‘ઇઝરાયેલી દળોએ પાછલા ૨૪ કલાકમાં ચાર પરિવારોના નરસંહારમાં ૫૯ લોકો મૃત્યુ પામ્યા છે અને ૨૭૩ અન્ય ઘાયલ થયા.’ તેણે જણાવ્યું કે,‘ઘણા લોકો હજુ પણ કાટમાળ નીચે અને રસ્તાઓ પર ફસાયેલા છે અને બચાવ ટુકડીઓ તેમના સુધી પહોંચવામાં અસમર્થ છે. પેલેસ્ટીની સમૂહ હમાસ દ્વારા સરહદ પારના હુમલા બાદ ઈઝરાયેલે ઓકટોબર ૨૦૨૩માં ગાઝા પટ્ટી પર નરસંહારની લડાઈ શરૂ કરી હતી. ગાઝામાં નરસંહારના બીજા વર્ષે વધતી જતી આંતરરાષ્ટ્રીય નિંદા થઈ છે, અધિકારીઓ અને સંગઠનોએ હુમલાની ટીકા કરી છે અને સહાય પુરવઠો અટકાવવા માટે વસ્તીનો નાશ કરવાનો ઇરાદાપૂર્વકનો પ્રયાસ કર્યો છે. ૨૧ નવેમ્બરના રોજ ઇન્ટરનેશનલ ક્રિમિનલ કોર્ટ (ICC)એ ઇઝરાયેલના વડાપ્રધાન બેન્જામિન નેતાન્યાહુ અને પૂર્વ સંરક્ષણ મંત્રી યોવ ગાલાન્ટ વિરૂદ્ધ ગાઝામાં યુદ્ધ અપરાધો અને માનવતા વિરૂદ્ધના અપરાધો માટે ધરપકડ વોરંટ જારી કર્યું હતું. ગાઝા પરના તેના ઘાતક યુદ્ધ માટે ઈઝરાયેલને ઈન્ટરનેશનલ કોર્ટ ઓફ જસ્ટિસમાં નરસંહારના કેસનો પણ સામનો કરવો પડી રહ્યો છે.
- Tue, October 6, 2026
- Top Stories
- Trending
- Tue, October 6, 2026