યુએસ ઉપરાષ્ટ્રપતિ જેડી વાન્સ વોશિંગ્ટનથી ઉડાન ભરવાના હતા, જ્યારે ઈરાન હજુ પણ લેબેનોનમાં ઇઝરાયેલી હુમલાઓ રોકવા માટે વોશિંગ્ટન પર દબાણ લાવવાનો પ્રયાસ કરી રહ્યો હતો, જેના કારણે ઈરાન હજુ પણ તેની ટીમ પર મૌન રહ્યું
(એજન્સી) બેરૂત, તા.૧૦
ઈઝરાયેલી જેટ્સે ઓછામાં ઓછા બે લેબેનોની શહેરો પર હવાઈ હુમલા કર્યા, જેનાથી ઈરાન અને યુનાઇટેડ સ્ટેટ્સ વચ્ચેના નાજુક યુદ્ધવિરામને ખતરો છે. યુએસ પ્રમુખ ડોનાલ્ડ ટ્રમ્પે ઇઝરાયેલી વડાપ્રધાન બેન્જામિન નેતાન્યાહુને લેબેનોન પર હુમલાઓ ‘પાછાખેંચવા’ કહ્યું તે પછી થોડા સમય માટે આ નવા હુમલા કરવામાં આવ્યા.લેબેનોનમાં ઈરાનના પ્રોક્સી હિઝબુલ્લાહે જણાવ્યું હતું કે, તેણે યુએસ-ઈરાન યુદ્ધવિરામ કરારના ઇઝરાયેલના ‘ઉલ્લંઘન’ના જવાબમાં ઉત્તરી ઇઝરાયેલી શહેરને પણ નિશાન બનાવ્યું હતું. આતંકવાદી અને રાજકીય જૂથે જણાવ્યું હતું કે, તેણે શુક્રવારે ઇઝરાયેલ-લેબેનોન સરહદ નજીક કિરયાત શ્મોના અને ઉત્તરી ઇઝરાયેલના અપર ગેલિલી ક્ષેત્રમાં મિસગાવ એમ પર રોકેટ છોડ્યા હતા. આ પ્રતિક્રિયા ત્યાં સુધી ચાલુ રહેશે જ્યાં સુધી આપણા દેશ અને આપણા લોકો સામે ઇઝરાયેલી-અમેરિકન આક્રમણ બંધ ન થાય, નિવેદનમાં કહેવામાં આવ્યું છે.અમેરિકા-ઈરાન યુદ્ધવિરામઈરાન અને અમેરિકા વચ્ચે નાજુક યુદ્ધવિરામ પર તણાવ વધી રહ્યો છે કારણ કે, લશ્કરી પ્રવૃત્તિ અને પ્રાદેશિક તણાવ સતત વધી રહ્યો છે. ૧૯૪૮માં ઈઝરાયેલની સ્થાપના થઈ ત્યારથી જ ઈઝરાયેલ અને લેબનોન ટેકનિકલી યુદ્ધમાં છે. પરંતુ બુધવારે, ઈઝરાયેલે મધ્ય બેરૂતમાં ગીચ વ્યાપારી અને રહેણાંક વિસ્તારોમાં ચેતવણી વિના હુમલો કર્યો, જેમાં ઓછામાં ઓછા ૩૦૦ લોકો માર્યા ગયા અને ૧,૦૦૦થી વધુ લોકો ઘાયલ થયા, ઈરાન પર યુનાઈટેડ સ્ટેટ્સ-ઈઝરાયેલ યુદ્ધમાં યુદ્ધવિરામની જાહેરાત થયાના કલાકો પછી ઈરાન પર યુદ્ધની સમાંતર હિઝબુલ્લાહને ઉખેડી નાખવા માટે ગયા મહિને લેબેનોન પર આક્રમણ કરનાર ઈઝરાયેલે કહ્યું કે, ત્યાં તેની કાર્યવાહી રાષ્ટ્રપતિ ડોનાલ્ડ ટ્રમ્પ દ્વારા મંગળવારે મોડી રાત્રે જાહેર કરાયેલ યુદ્ધવિરામમાં આવરી લેવામાં આવી નથી. અમેરિકા-ઈરાન વાટાઘાટોમાં મધ્યસ્થી કરવામાં મદદ કરનાર પાકિસ્તાને કહ્યું છે કે, યુદ્ધવિરામમાં લેબેનોનનો પણ સમાવેશ થશે.તેહરાને એ પણ આગ્રહ કર્યો કે, અમેરિકા સાથેના તેના બે અઠવાડિયાના યુદ્ધવિરામ કરારમાં લેબેનોનમાં લડાઈ બંધ કરવાનો પણ સમાવેશ થાય છે. ઈરાનના રિવોલ્યુશનરી ગાર્ડની નજીક ઈરાનની અર્ધ-સત્તાવાર તસ્નીમ સમાચાર એજન્સીએ દાવો કર્યો કે, જો લેબેનોનમાં લડાઈ ટૂંક સમયમાં બંધ નહીં થાય તો વાટાઘાટો ‘સ્થગિત’ રહેશે.તેમ છતાં શનિવારે ઉપપ્રમુખ જેડી વાન્સ યુએસ પ્રતિનિધિમંડળનું નેતૃત્ત્વ કરવાના છે, જેમાં ખાસ દૂત સ્ટીવ વિટકોફ અને ટ્રમ્પના જમાઈ જેરેડ કુશનર પણ જોડાશે.યુએસ પ્રમુખ ટ્રમ્પે એનબીસી ન્યૂઝને જણાવ્યું હતું કે, ઇઝરાયેલ લેબેનોનમાં ‘પ્રહારો પાછળ’ કરી રહ્યું છે અને નેતાન્યાહુએ તેમને ખાતરી આપી હતી કે તેના હુમલાઓ વધુ ‘સાવચેતીભર્યા’ બનશે તેના કલાકો પછી નવા હુમલા કરવામાં આવ્યા છે.
