રમઝાન માસ તેના અંતિમ ચરણમાં છે ત્યારે દુનિયાભરમાં જાત-જાતના આયોજનો થઈ રહ્યા છે. મોટા મોટા ઈફતાર કાર્યક્રમો યોજાઈ રહ્યા છે, સખાવતો-દાન કરાઈ રહ્યા છે પરંતુ ગાઝામાં હજી પણ પરિસ્થિતિ વિકટ બનેલી છે. આપણે ઘરે કે જાહેર કાર્યક્રમોમાં ભોજનનો કેટલો બગાડ કરતા હોઈએ છીએ જ્યારે ગાઝામાં એક-એક દાણાની કેટલી કિંમત છે તેનો ખ્યાલ ઉપરોક્ત તસવીરો પરથી આવી જાય છે. દક્ષિણ ગાઝાપટ્ટીની આ બંને તસવીરોમાં મહામુસીબતે મળી રહેલું ઈફતારીનું ભોજન મેળવવા માટે બાળકો કેવાં વલખાં મારે છે એનો ખ્યાલ એમના ચહેરા અને વાસણો બંને પરથી આવી જાય છે.