(એજન્સી) તા.ર૪
તુર્કી સરકારે આંતરરાષ્ટ્રીય અપરાધિક પોલીસ સંગઠનને તુર્કીમાં જાસૂસી નેટવર્ક ચલાવવા પૂર્વ ફતહ નેતા મોહમ્મદ દહલાનની ધરપકડ કરવા માટે સુચના આપી છે. દહલાન સંયુક્ત અરબ અમીરાત (યુએઈ)ના ક્રાઉન પ્રિન્સ મોહમ્મદ બિન જાયદ માટે સુરક્ષા સલાહકાર છે, જેમણે પાછલા અઠવાડિયે ઈઝરાયેલની સાથે સંબંધોને સામાન્ય બનાવવાની જાહેરાત કરી હતી. ટીઆરટી મુજબ તુર્કીના સરકારી વકીલે દહલાનને તુર્કીમાં મોસ્ટ વોન્ટેડ અપરાધીઓની યાદીમાં સામેલ કર્યો અને તેની ધરપકડ કરવા માટે દસ મિલિયન તુર્કી લીરસનું ઈનામ આપવાની જાહેરાત કરી. ટીઆરટીએ તુર્કી સરકારી વકીલ મુજબ એક સાક્ષીને બોરાજ તરીકે સંદર્ભિત કર્યો. તેણે જણાવ્યું કે બે અમીરાતી, સમીર સમીહ શાબાન અને જાકિફ યુસુફ હસન, દહલાન માટે તુર્કીમાં મિસરના લોકો અને પેલેસ્ટીનીઓ પર જાસૂસી કરતા હતા. તુર્કીએ દહલાન પર જુલાઈ ર૦૧૬ના બોટકેડ તખ્તા પલટના પ્રયાસમાં સામેલ થવાનો આરોપ લગાવ્યો. નવેમ્બર ર૦૧૯માં અંકારાએ તુર્કીની રાષ્ટ્રીય સુરક્ષાને પ્રભાવિત કરનારા મુદ્દાઓમાં તેની ભાગીદારીથી સંબંધિત સાક્ષી મેળવ્યા પછી દહલાન માટે એક ઈન્ટરપોલ રેડ નોટિસ જારી કરી.