(એજન્સી) તા.૮
શરમજનક ઘટના : ચિચલીમાં એક દલિત યુવકને બંધક બનાવીને પેશાબ પીવડાવવામાં આવ્યો હતો. પીડિતએ ૩૦ જુલાઈની ઘટના અંગે ૫ ઓગસ્ટના રોજ ફરિયાદ કરી હતી. પોલીસે આ કેસમાં બે આરોપીઓને જેલમાં મોકલી દીધા છે. પીડિતને પણ એક કેસમાં આરોપી બનાવવામાં આવ્યુ છે. જો ગદરવારાના ટ્રાફિક ઇન્સ્પેક્ટર (્ૈં) ઉમેશ તિવારી અનુસાર, ચિચલીના એક દલિત યુવકને ૩૦ જુલાઈના રોજ ગામના સિલ્લુ બુધૌલિયા અને સૂરજ કચેરા બાઇક પર લઈ ગયા હતા. રસ્તામાં તેઓએ પીડિતને પ્રેમનારાયણ વર્મા પાસેથી ૨ લાખ રૂપિયા લાવવા પર દબાણ કર્યું હતું. જ્યારે તેણે ના પાડી તો બંનેએ તેને બંધક બનાવીને તેને માર માર્યો અને પેશાબ પીવડાવ્યો હતો. શરમજનક ઘટનામાં નીચે મુજબની બાબતો સામે આવી
- આરોપીની ધરપકડ કરવામાં આવીઃ મધ્ય પ્રદેશના નરસિંહપુર જિલ્લામાં એક દલિત વ્યક્તિને બે ઉચ્ચ જાતિના માણસોએ બંધક બનાવ્યો અને તેને માર માર્યો તેમજ તેને પેશાબ પીવા માટે પણ દબાણ કર્યું હતું. પોલીસે આરોપીઓ સામે ગુનો નોંધી તેમને કસ્ટડીમાં લીધા છે.
- પીડિતની ફરિયાદ : પીડિતનો આરોપ છે કે આરોપી તેને મોટરસાઇકલ પર લઈ ગયો અને તેને એક જગ્યાએ બંધક બનાવીને રાખ્યો હતો. આરોપીઓએ તેને પ્રેમનારાયણ વર્મા નામના વ્યક્તિ પાસેથી બે લાખ રૂપિયા લાવવાનું કહ્યું અને જ્યારે તેણે આવુ કરવાની ના પાડી તો તેણે પીડિતને નિર્દયતાથી માર મારવામાં આવ્યો અને જાતિના આધારે તેની સાથે દુર્વ્યવહાર કર્યો હતો.
- પોલીસ તપાસ : આરોપીઓની ધરપકડ કરવામાં આવી છે. પીડિતાની તબીબી તપાસ કરવામાં આવી છે, તે પુષ્ટિ મળી નથી કે તેને પેશાબ પીવા માટે દબાણ કરવામાં આવ્યો હતો. મામલાની તપાસ ચાલી રહી છે.
પીડિતા સામે પણ કેસ :
ગદરવાડા પોલીસે પ્રેમનારાયણ વર્માની ફરિયાદ પર ૫ ઓગસ્ટે જ પીડિત વિરૂદ્ધ કેસ નોંધ્યો હતો. કહેવાય છે કે સૂરજ, બ્રિજેશ અને પીડિત દલિત યુવક ૩૦મી જુલાઈના રોજ એક યુવતીને પ્રેમનારાયણ પાસે લઈ ગયા હતા. તેઓએ યુવતી સાથે પ્રેમનારાયણનો વીડિયો બનાવ્યો હતો અને તેેને વાઇરલ કરવાની ધમકી આપી રૂા.૪ લાખની માંગણી કરી હતી.