‘ધોની શું ફિનિશર છે..?!! પાકિસ્તાનના વર્લ્ડ કપ જીતવાના સપનાને તોડી દીધું’

લંડન, તા.૧
ઈંગ્લેન્ડ સામે ભારતને મળેલી હારે પાકિસ્તાની સમર્થકોનું દિલ તોડી દીધું છે. પાકિસ્તાનને સેમીફાઇનલમાં પહોંચવા માટે સમર્થકો ઈંગ્લન્ડની હારની દુઆ કરી રહ્યા હતા, પરંતુ મેચનું પરિણામ બીજું જ આવ્યું. ઈંગ્લન્ડે ભારતને હરાવીને પોઇન્ટન ટેબલમાં ચોથા નંબરે પહોંચી ગયું છે. તેના કારણે પાકિસ્તાન એક નંબરે નીચે સરકી ગયું છે. તેના કારણે પાકિસ્તાનની સેમીફાઇનલમાં પહોંચવાની શક્યતા પણ ઘણી ઓછી થઈ ગઈ છે.
ભારતને ઈંગ્લેન્ડે ૩૧ રને હરાવ્યું અને હવે ભારતને સેમીફાઇનલમાં પહોંચવા માટે પોતાના બાકી બચેલી મેચોમાંથી કોઈ એક કોઈ પણ રીતે જીતવી પડશે.
પાકિસ્તાનને સેમીફાઇનલમાં પહોંચવા માટે પોતાનો છેલ્લો મુકાબલો જીતવો જરૂરી હતો. તેની સાથે જ એ પણ જરૂરી હતું કે ઈંગ્લેન્ડ પણ પોતાની છેલ્લી બે મેચ હારી જાય. પાકિસ્તાન તો બેમાંથી એક મેચ જીતી ગયું, પરંતુ ઈંગ્લેન્ડે બેમાંથી એક જીતી લીધી.
ભારતની હાર બાદ સોશિયલ મીડિયા પર ભારતીય ટીમ ઘણી ટ્રેન્ડી થવા લાગી. બીજી તરફ અનેક પ્રશંસકોએ તો ત્યાં સુધી કહ્યું કે, ભારતીય ટીમને સારી એક્ટિંગ અને નાટક માટે ઓસ્કાર એવોર્ડ મળવો જોઈએ. પાકિસ્તાની પ્રશંસકો મુજબ ઈંગ્લેન્ડ અને ભારતની આ મેચ ફિક્સ હતી.
એક પાકિસ્તાની પ્રશંસકે કહ્યું કે, શું ટીમ ઈન્ડિયા લગાન ફિલ્મ જોઈને આવી હતી. એક યૂઝરે ધોની અને જાધવની ધીમી બેટિંગની ટીકા કરી. એક યૂઝરે લખ્યું કે, ભારતે પહેલાથી જ લડાયક બેટિંગ કરવાનો પ્રયાસ જ કર્યો નહોતો. એક યૂઝરે લખ્યું કે, ધોનીએ ૨૦૦૯ ચેમ્પિયન્સ ટ્રોફીનો બદલો લીધો.
ઈંગ્લેન્ડે ભારતની સામે જીત માટે ૩૩૮ રનોનો પડકાર આપ્યો હતો, પરંતુ ભારતીય ટીમ ૫૦ ઓવરમાં માત્ર ૩૦૬ રન જ કરી શકી.

Subscribe To Our Daily Newsletter

No spam, notifications only about new products, updates.

Related Posts

Enable Notifications OK No thanks