(એજન્સી) કોલકાતા, તા. ૧૬
પશ્ચિમ બંગાળના મુખ્યમંત્રી મમતા બેનરજીએ રાજભવનમાં મહિલા સુરક્ષાની ટિપ્પણીઓ પર રાજ્યપાલ આનંદ બોઝ દ્વારા માનહાનિના દાવાનો વિરોધ કરતાં હવે કાનૂની લડાઈ આગળ વધી છે. પશ્ચિમ બંગાળના મુખ્યમંત્રી મમતા બેનરજીએ સોમવારે કલકત્તા હાઈકોર્ટમાં રાજ્યપાલ સીવી આનંદ બોઝ દ્વારા તેમની સામે દાખલ કરવામાં આવેલા માનહાનિના દાવાનો વિરોધ કર્યો, તેમના નિવેદનનો બચાવ કર્યો કે મહિલાઓએ કોલકાતામાં રાજભવનની મુલાકાત લેવાનો ડર વ્યક્ત કર્યો હતો. બોસે તેમના વકીલ દ્વારા રજૂ કરવામાં આવ્યું હતું કે તેમણે બેનરજી શાસક તૃણમૂલ કોંગ્રેસ (ટીએમસી)ના બે નવા ચૂંટાયેલા ધારાસભ્યો અને પક્ષના અન્ય નેતાને રાજભવન ખાતેની કથિત ઘટનાઓના સંદર્ભમાં વધુ ટિપ્પણી કરવાથી રોકવાની માંગ કરી હતી. બેનરજીનું પ્રતિનિધિત્વ કરતા વરિષ્ઠ વકીલ એસએન મુખરજીએ ન્યાયાધીશ કૃષ્ણા રાવ સમક્ષ દલીલ કરી હતી કે તેમની ટિપ્પણી જાહેર હિતના મુદ્દાઓ પર વાજબી ટિપ્પણી હતી અને બદનક્ષીકારક નથી. મુખરજીએ પણ મુખ્યમંત્રીની ટિપ્પણીઓનો બચાવ કરતા કહ્યું કે તેઓ માત્ર કોલકાતાના રાજભવનમાં કેટલીક કથિત પ્રવૃત્તિઓ અંગે મહિલાઓની આશંકાઓનો પડઘો પાડે છે. મુખ્યમંત્રી બે નવા ચૂંટાયેલા ધારાસભ્યો સાયંતિકા બેનરજી અને રેયાત હુસૈન સરકાર અને ્‌સ્ઝ્ર નેતા કુણાલ ઘોષ પર રોક લગાવતા વચગાળાના આદેશની માંગ કરતી બદનક્ષીના દાવામાં બોસની અરજી પર કોર્ટ સુનાવણી કરી રહી હતી. અરજી પરનો ઓર્ડર પછીથી પસાર કરવામાં આવશે. ઘોષે કહ્યું કે, ‘‘મુખ્યમંત્રી ટીએમસીના બે ધારાસભ્યો અને મારી સામે રાજ્યપાલનો દાવો પાયાવિહોણો છે. મને સમજાતું નથી કે કોને અને કેવી રીતે બદનામ કરવામાં આવ્યું છે. રાજ્યપાલને ખોટી રીતે સલાહ આપવામાં આવી છે. હાઈકોર્ટ શું આદેશ આપી શકે તે અંગે હું કોઈ ટિપ્પણી કરવા માંગતો નથી. પણ બદનક્ષીનો પ્રશ્ન ક્યાંથી આવે છે ? ન તો મેં, ન તો મુખ્ય પ્રધાને તેમને બદનામ કર્યા છે.’’ જો કોઈની કથિત રીતે બદનક્ષી કરવામાં આવી હોય, આદર્શ રીતે, તેઓએ દાવો દાખલ કરવો જોઈએ, એમ ઘોષે જણાવ્યું હતું. તેમણે કહ્યું કે, ‘‘પરંતુ મેં સાંભળ્યું છે કે દાવો રાજ્યપાલ વતી કોઈએ દાખલ કર્યો હતો. મુખ્યમંત્રી રાજ્યપાલ અને રાજભવનનું સન્માન કરે છે. તેનાથી વિપરીત રાજ્યપાલ ભાજપનો અવાજ બની ગયા છે.’’ બેનરજીની ટિપ્પણી પછી બોસે હાઇકોર્ટમાં અરજી દાખલ કરી હતી કે તેમને કેટલીક મહિલાઓ દ્વારા જાણ કરવામાં આવી હતી કે તેઓ પૂર્વ કર્મચારી દ્વારા રાજ્યપાલ સામેના જાતીય સતામણીના આરોપોને કારણે રાજભવનની મુલાકાત લેવાનું સુરક્ષિત અનુભવતા નથી. ૨ મેના રોજ રાજભવનની એક કોન્ટ્રાક્ટ પર આધારિત મહિલા કર્મચારીએ બોસ વિરૂદ્ધ છેડતીનો આરોપ લગાવ્યો હતો, જેના પગલે કોલકાતા પોલીસે તપાસ શરૂ કરી હતી. ભારતના બંધારણના અનુચ્છેદ ૩૬૧ હેઠળ, રાજ્યપાલના કાર્યકાળ દરમિયાન તેમની સામે કોઈ ફોજદારી કાર્યવાહી કરી શકાતી નથી.