(એજન્સી) બેથલહેમ, તા.૨
પેલેસ્ટીની રેડ ક્રેસન્ટ સોસાયટીએ અહેવાલ આપ્યો હતો કે, ગેરકાયદેસર ઇઝરાયેલી વસાહતીઓએ વેસ્ટ બેંકમાં બેથલેહેમમાં હુમલો શરૂ કર્યા પછી ઘાયલ પેલેસ્ટીનીઓને ત્યાંથી જતા અટકાવ્યા હતા. ઇઝરાયેલી વસાહતીઓએ અનેક ઇજાગ્રસ્ત લોકોને પકડી રાખ્યા છે અને સંસ્થાની કટોકટી ટીમો તેમના સુધી પહોંચવા માટે કામ કરી રહી છે. આ ટીમોએ અત્યાર સુધીમાં એક ૩૩ વર્ષીય વ્યક્તિનું સફળતાપૂર્વક ત્યાથી પરિવહન કર્યું છે જેને તેના અંગો પર ગોળી વાગી હતી. સાક્ષીઓએ જણાવ્યું હતું કે, ગેરકાયદેસર વસાહતીઓના એક જૂથે ખાલેટ એન-નાહલા વિસ્તાર પર હુમલો કર્યો હતો અને રહેવાસીઓ પર પથ્થરો અને ગોળીબારથી હુમલો કર્યો હતો જેના પરિણામે ઘણા લોકો ઘાયલ થયા હતા. એક નાગરિક નાસી છૂટ્યો હતો અને તેને તબીબી સારવાર માટે લઈ જવામાં આવ્યો હતો. સાક્ષીઓએ કહ્યું હતું કે, વસાહતીઓએ તબીબી ટીમોને અહીં પહોંચતા અટકાવવા આ વિસ્તાર બંધ કરી દીધો હતો. રેડ ક્રેસન્ટે અહેવાલ આપ્યો હતો કે, ઉત્તરી વેસ્ટ બેંકમાં નાબ્લસ નજીકના કુસરા ગામમાં ઇઝરાયેલી ગોળીબારમાં ૧૮ વર્ષીય યુવકને તેની પીઠના નીચેના ભાગમાં ગોળી વાગી હતી. ત્યારપછી તેને હોસ્પિટલમાં લઈ જવામાં આવ્યો હતો. સાક્ષીઓએ જણાવ્યું હતું કે, ગેરકાયદેસર ઇઝરાયેલી વસાહતીઓએ કુસરામાં હુમલો કર્યો હતો, મિલકતો પર હુમલો કર્યો હતો જેના કારણે રહેવાસીઓ સાથે સંઘર્ષ થયો હતો. ઇઝરાયેલી સેનાએ ગોળીઓ અને ટિયર ગેસનો ઉપયોગ કરીને દરમિયાનગીરી કરી હતી. ઓકટોબર ૭થી ગાઝા પટ્ટીમાં ૩૯,૪૦૦થી વધુ પીડિતો માર્યા ગયા છે અને આ ઘાતક ઇઝરાયેલી આક્રમણ વચ્ચે જેરૂસલેમ સહિત વેસ્ટ બેંકમાં પણ તણાવ વધી રહ્યો છે. ૧૯ જુલાઈના રોજ એક સીમાચિહ્નરૂપ અભિપ્રાયમાં આંતરરાષ્ટ્રીય અદાલતે પેલેસ્ટીનની જમીન પર ઈઝરાયેલના દાયકાઓથી ચાલતા કબજાને ગેરકાયદેસર જાહેર કર્યો છે અને વેસ્ટ બેંક અને પૂર્વ જેરૂસલેમમાં તેની તમામ હાલની વસાહતો ખાલી કરાવવાની માગણી કરી હતી.
- Mon, October 5, 2026
- Top Stories
- Trending
- Mon, October 5, 2026