સુજાત આંબેડકર, અંજલી આંબેડકર, રોહિત પવાર અને ઘણા કાર્યકરો સવારે ૩ઃ૩૦ વાગ્યા સુધી પુણે પોલીસ કમિશનરેટમાં રહ્યા અને છોકરીઓ પ્રત્યે વાંધાજનક ટિપ્પણી કરવાના આરોપી કોથરૂડ પોલીસ અધિકારીઓ સામે એટ્રોસિટીનો કેસ નોંધવા માટે દબાણ કર્યું હતું

(એજન્સી) તા.૫
ત્રણ દલિત છોકરીઓ દ્વારા કોથરૂડ પોલીસ સામે શારીરિક શોષણ અને જાતિવાદી ટિપ્પણીના ગંભીર આરોપો લગાવ્યાના બે દિવસ પછી, પુણેમાં રાજકીય વાતાવરણ વધુ ગરમાયું છે. સુજાત આંબેડકર, અંજલી આંબેડકર, રોહિત પવાર અને ઘણા કાર્યકરો સવારે ૩ઃ૩૦ વાગ્યા સુધી પુણે પોલીસ કમિશનરેટમાં રહ્યા અને છોકરીઓ પ્રત્યે વાંધાજનક ટિપ્પણી કરવાના આરોપી કોથરૂડ પોલીસ અધિકારીઓ સામે કાર્યવાહી કરવા અને એટ્રોસિટીનો કેસ નોંધવા માટે દબાણ કર્યું હતું. જોકે, પુણે પોલીસે ચાર પાનાનો દસ્તાવેજ રજૂ કરીને સ્પષ્ટતા કરી કે પુરાવાના અભાવે હ્લૈંઇ નોંધી શકાતી નથી, કારણ કે, આ ઘટના એક રૂમમાં બની હતી. ઘટના શું હતી અને આ બાબતને કેવી રીતે ગંભીરતાથી લેવામાં આવી ? સંભાજી નગરની એક યુવા પરિણીત મહિલા ૧ ઓગસ્ટના રોજ પુણેમાં આ ત્રણ છોકરીઓના ફ્લેટમાં રહેવા આવી હતી, જ્યારે તેના સાસરિયાઓ તેને સતત હેરાન-પરેશાન કરતા હતા. પીડિતાના સાસરિયાઓએ સંભાજી નગર પોલીસમાં ગુમ થયાની ફરિયાદ નોંધાવી હતી. તેના આધારે કાર્યવાહી કરતા, સંભાજી નગર પોલીસ પુણે પહોંચી અને કોથરૂડ વિસ્તારમાં મહિલાનું છેલ્લું સ્થાન શોધી કાઢ્યું. જોકે, પોલીસ સ્થળ પર પહોંચે તે પહેલાં પીડિતા કોઈ કામ માટે તે સ્થળ છોડીને ચાલી ગઈ હતી. આરોપો મુજબ, ફ્લેટ પર પહોંચ્યા પછી પોલીસે કોઈપણ સર્ચ વોરંટ વિના તેમની પૂછપરછ શરૂ કરી. પોલીસ અધિકારીઓ સિવિલ ડ્રેસમાં હતા. સર્ચ ઓપરેશન દરમિયાન, પોલીસે તેમના કપડાં પર ટિપ્પણી કરી, તેમની સાથે દુર્વ્યવહાર કર્યો અને તેમની જાતિ સંબંધિત પ્રશ્નો પૂછ્યા. જ્યારે છોકરીઓએ તેમની ઓળખ વિશે પૂછ્યું, ત્યારે પોલીસે તેમને ધમકી આપી અને કોથરૂડ પોલીસ સ્ટેશન લઈ ગઈ અને કહ્યું, ‘અમે તમને ત્યાં બધું કહીશું,’ જ્યાં પોલીસ દ્વારા રિમાન્ડ રૂમમાં આ છોકરીઓ પર માનસિક અને શારીરિક ત્રાસ ગુજારવામાં આવ્યો હતો. આ ઘટના અંગે, શ્વેતા એસ. એ ફેસબુક પર એક વીડિયો પોસ્ટ કર્યો જેમાં ઘટનાનું વર્ણન કરવામાં આવ્યું. વીડિયોમાં શ્વેતાએ આરોપ લગાવ્યો છે કે પોલીસે છોકરીઓના ચારિત્ર્ય વિશે અપશબ્દોનો ઉપયોગ કર્યો હતો અને તેમની ડ્રેસિંગ સેન્સ પર ટિપ્પણી કરી હતી. વધુમાં, તેમણે એવો પણ આરોપ લગાવ્યો હતો કે ઁજીૈં કામટેએ એક છોકરીને અયોગ્ય રીતે લાત મારી હતી અને સ્પર્શ કર્યો હતો. ધારાસભ્ય રોહિત પવારે મીડિયા સાથે વાત કરતા કહ્યું કે, કોઈ ગુના કે કારણ વિના, દલિત છોકરીઓ સાથે આ રીતે અયોગ્ય રીતે વાત કરવી સ્વીકાર્ય નથી. વોરંટ વિના સર્ચ ઓપરેશન હાથ ધરવું અતાર્કિક છે. પીડિતા મદદ માટે પુણે આવી હતી. તેમણે ઉમેર્યું કે, ‘છોકરીઓના કપડાંને સ્પર્શ કરવો તેમના પર અને તેમના વર્તન પર ટિપ્પણી કરવી અને પોલીસ દ્વારા તેમના મોબાઇલ ફોન તપાસવા યોગ્ય નથી. તે બંધારણનું ઉલ્લંઘન છે. પુણે પોલીસે તેમની સામે કાર્યવાહી કરવી જોઈએ,’. સાંસદ સુપ્રિયા સુલેએ ઠ પર પોસ્ટ કરી, ‘જો આ ઘટના સાચી હોય તો તે ખૂબ જ ગંભીર છે. ગૃહમંત્રીએ આ બાબતને ગંભીરતાથી લેવી જોઈએ અને વિગતવાર તપાસ પછી જવાબદારો સામે કડક પગલાં લેવા જોઈએ.’ વંચિત બહુજન આઘાડીના રાષ્ટ્રીય અધ્યક્ષ, એડવોકેટ પ્રકાશ આંબેડકરે જણાવ્યું હતું કે, ‘પુણે પોલીસે એક ગંભીર કેસમાં એફઆઈઆર નોંધવામાં વિલંબ કર્યો હતો જેમાં કોગ્નિઝેબલ ગુનાનો સમાવેશ થાય છે.