(એજન્સી) ગ્વાલિયર, તા.રર
શહેરના હજીરા પોલીસ સ્ટેશન વિસ્તારના જટ્ટી કી લાઇનમાં આવેલા મંદિરમાં પૂજા કરવાને લઈને દલિત અને ઓબીસી સમુદાયના લોકો વચ્ચે વિવાદ સામે આવ્યો છે. જેની જાણકારી બાદ સબ ઈન્સ્પેક્ટર ઘટનાસ્થળે પહોંચ્યા અને મંદિરમાં પૂજા અટકાવી રહેલા પરિવારને સમજાવવાનો પ્રયાસ કર્યો. દરમિયાન બંને પક્ષો વચ્ચે ઝઘડો વધી ગયો હતો. તે જ સમયે, એવું કહેવામાં આવી રહ્યું છે કે પરિવારના સભ્યોએ સબ ઇન્સ્પેક્ટરને માર માર્યો હતો. જે બાદ સબ ઈન્સ્પેક્ટર હરેન્દ્ર ભદૌરિયાએ પણ લાકડીનો ઉપયોગ કર્યો હતો. આ અંગે એક વીડિયો પણ સામે આવ્યો છે.
પૂજા અટકાવવા બદલ કેસ નોંધાયો : હજીરા પોલીસ સ્ટેશન વિસ્તારમાં રહેતા એક દલિત પરિવારના સભ્યની ફરિયાદના આધારે ઓબીસી પરિવાર વિરૂદ્ધ સાર્વજનિક મંદિરમાં પૂજા કરવાથી રોકવાનો કેસ પણ નોંધવામાં આવ્યો છે. તે જ સમયે, સબ ઇન્સ્પેક્ટર ભદૌરિયાની ફરિયાદ પર,ર્ ંમ્ઝ્ર પરિવારના ૪ સભ્યો વિરૂદ્ધ સરકારી કામમાં અવરોધ અને મારપીટનો કેસ નોંધવામાં આવ્યો છે.
આરોપીઓની શોધ ચાલુ છે
પોલીસ સ્ટેશનના પ્રભારી શિવમંગલ સેંગરે જણાવ્યું કે, “જટ્ટી કોલોનીના લોકોએ ફરિયાદ કરી હતી કે તેમને મંદિરમાં પૂજા કરવાની મંજૂરી આપવામાં આવી રહી નથી. સબ ઇન્સ્પેક્ટર આ વાત સમજાવવા ગયા હતા. જે બાદ લોકોએ પોલીસ સાથે ઝઘડો કર્યો હતો. આ પછી સબ ઈન્સ્પેક્ટર ભદૌરિયા અને કોલોનીના લોકોના અન્ય કેસના આધારે ઓબીસી પરિવારના ચાર સભ્યો વિરૂદ્ધ કેસ નોંધવામાં આવ્યો છે. પોલીસે આરોપીની શોધખોળ શરૂ કરી છે.
- Thu, October 29, 2026
- Top Stories
- Trending
- Thu, October 29, 2026