(એજન્સી) ત્રિચી, તા.૭
૩૧ જાન્યુઆરી, ૨૦૨૧ના રોજ છ વર્ષની દલિત છોકરીના અપહરણ અને જાતીય હુમલો કરવાના ગુનામાં ત્રિચી મહિલા કોર્ટે ૩૫ વર્ષીય વ્યક્તિને આજીવન કેદની સજા ફટકારી હતી. ત્રિચી જિલ્લાના એમ નીરકથલિંગમે તેના ઘર પાસે રમતી છોકરીનું અપહરણ કર્યું હતું અને તેના પર જાતીય હુમલો કર્યો હતો. ૨ એપ્રિલ, ૨૦૨૧ના રોજ ચાર્જશીટ દાખલ કરવામાં આવી હતી. ટ્રાયલ બાદ, સેશન્સ જજ ડી શનમુગપ્રિયાએ સજા સંભળાવી હતી. નીરકથલિંગમને પોક્સો એક્ટ હેઠળ૨,૦૦૦રૂપિયાનાદંડસાથેઆજીવનકેદઅનેSC/ST(અત્યાચાર નિવારણ) કાયદા હેઠળ ૧,૦૦૦ રૂપિયાના દંડ સાથે આજીવન કેદની સજા ફટકારવામાં આવીછે.IPC કલમ૩૬૬ (અપહરણ) હેઠળ ૧૦ વર્ષની સખત કેદ અને કલમ ૩૪૨ (ખોટી રીતે બંધક બનાવવું) હેઠળ એક વર્ષ, દરેકને ૧,૦૦૦ રૂપિયાના દંડ સાથે સજા ફટકારવામાં આવી છે. કોર્ટે ચુકાદો આપ્યો કે બધી સજાઓ એકસાથે ભોગવવી પડશે. ત્રિચી પોલીસ કમિશનર એન કામિનીએ ફોર્ટ પોલીસ ટીમની દોષિત ઠેરવવા તરફ દોરી જતી તપાસ કરવા બદલ પ્રશંસા કરી હતી.
- Mon, May 18, 2026
- Top Stories
- Trending
- Mon, May 18, 2026