(એજન્સી) તા.૧૬
શિયાળો શરૂ થતાં અને આવશ્યક પુરવઠા પર પ્રતિબંધો ચાલુ રહેતા માનવતાવાદી પરિસ્થિતિઓ વચ્ચે, યુનાઈટેડ નેશન્સ ચિલ્ડ્રન્સ ફંડ (યુનિસેફ) એ આંતરરાષ્ટ્રીય સમુદાયને વિનંતી કરી છે કે, તેઓ ગાઝા પટ્ટીમાં વધુ માનવતાવાદી સહાય પહોંચાડવા અને સમગ્ર પ્રદેશમાં બાળકો સુધી પહોંચે તે સુનિશ્ચિત કરવા માટે ઇઝરાયેલ પર દબાણ લાવે. રવિવારે એક નિવેદનમાં યુનિસેફના મધ્ય-પૂર્વ અને ઉત્તર આફ્રિકા પ્રાદેશિક કાર્યાલયે જણાવ્યું હતું કે, યુદ્ધવિરામ કરારની જાહેરાતને એક વર્ષ વીતી ગયા છતાં ગાઝામાં બાળકો જીવનની સૌથી મૂળભૂત જરૂરિયાતોથી વંચિત રહે છે. તેણે ખાતરી કરવાની જરૂરિયાત પર ભાર મૂક્યો કે પૂરતી માનવતાવાદી સહાય અવરોધ વિના પ્રદેશ સુધી પહોંચે. સંગઠને જણાવ્યું હતું કે, યુદ્ધવિરામની જાહેરાત થયા પછી ૩૬૦ બાળકો માર્યા ગયા છે અને ૧૭૦૦થી વધુ લોકો ગંભીર રીતે ઘાયલ થયા છે અને કહ્યું છે કે, આ આંકડા કરાર છતાં બાળકોની સતત વેદના અને તેમના વિરુદ્ધ ઉલ્લંઘનોને પ્રતિબિંબિત કરે છે.