(એજન્સી) તા.૨૪
પેલેસ્ટીની સરકારી સંસ્થાએ શનિવારે જણાવ્યું હતું કે કબજા હેઠળના પશ્ચિમ કાંઠે ગેરકાયદેસર ઇઝરાયેલી વસાહતો અને ચોકીઓની સંખ્યા ૫૯૨ પર પહોંચી ગઈ છે, જેમાં ઇઝરાયેલ લગભગ ૪૨% પ્રદેશ પર નિયંત્રણ ધરાવે છે, એમ એનાદોલુ અહેવાલ આપે છે. ઇઝરાયેલી વસાહત વિસ્તરણ અને પેલેસ્ટીની જમીન પર નિયંત્રણના મુખ્ય સૂચકાંકો પર એક બ્રીફિંગમાં વોલ અને સેટલમેન્ટ રેઝિસ્ટન્સ કમિશન દ્વારા આ આંકડા પ્રકાશિત કરવામાં આવ્યા હતા. પંચાયતે જણાવ્યું હતું કે જુલાઈના અંત સુધીમાં કબજા હેઠળના પૂર્વ જેરૂસલેમ સહિત પશ્ચિમ કાંઠે ૭૮૦,૦૦૦ ઇઝરાયેલી કબજેદારો રહેતા હતા. તેમાંથી, લગભગ ૩૩૩,૬૦૦ જેરૂસલેમમાં ગેરકાયદેસર વસાહતોમાં અને ૪૪૬,૪૦૦ પશ્ચિમ કાંઠામાં અન્યત્ર રહે છે. કમિશન અનુસાર, ઇઝરાયેલી કબજેદારો ૧૯૨ ગેરકાયદેસર વસાહતો અને ૪૦૦ વસાહત ચોકીઓમાં ફેલાયેલા છે, જેમાં ૨૩૧ પશુપાલન ચોકીઓનો સમાવેશ થાય છે. કમિશને જણાવ્યું હતું કે, સત્તાવાર ઇઝરાયેલી આદેશો દર્શાવે છે કે ઇઝરાયેલી નિયંત્રણ પશ્ચિમ કાંઠાના લગભગ ૫,૬૬૦ ચોરસ કિલોમીટર (૨,૧૮૫ ચોરસ માઇલ) વિસ્તારના ૪૨% સુધી વિસ્તરે છે. તેમાં ઉમેર્યું હતું કે, ઇઝરાયેલ વિસ્તાર ઝ્રના ૭૧% અને પેલેસ્ટીની જોર્ડન ખીણના ૯૧% જેટલા વિસ્તાર પર નિયંત્રણ રાખે છે. ૧૯૯૫ના ઓસ્લો II કરાર હેઠળ પશ્ચિમ કાંઠાને વિસ્તાર છ, મ્ અને ઝ્રમાં વિભાજિત કરવામાં આવ્યો હતો. વિસ્તાર છ પેલેસ્ટીની વહીવટી અને સુરક્ષા નિયંત્રણ હેઠળ છે, વિસ્તાર મ્ પેલેસ્ટીની વહીવટી અને ઇઝરાયેલી સુરક્ષા નિયંત્રણ હેઠળ છે, જ્યારે વિસ્તાર C, જે પશ્ચિમ કાંઠાનો લગભગ ૬૦% ભાગ બનાવે છે, તે સંપૂર્ણ ઇઝરાયેલી નિયંત્રણ હેઠળ છે. ઓક્ટોબર ૨૦૨૩માં ઇઝરાયેલે ગાઝા પટ્ટી પર નરસંહાર યુદ્ધ શરૂ કર્યું ત્યારથી પશ્ચિમ કાંઠે ઇઝરાયેલી લશ્કરી આક્રમણ અને કબજેદારોના હુમલાઓમાં સતત વધારો જોવા મળ્યો છે, તેની સાથે ગેરકાયદેસર વસાહત ચોકીઓનું વિસ્તરણ, કબજેદારો માટે માત્ર રસ્તાઓનું નિર્માણ અને પેલેસ્ટીની હિલચાલ પર કડક પ્રતિબંધો પણ સામેલ છે.
- Sat, August 29, 2026
- Top Stories
- Trending
- Sat, August 29, 2026