મૃત્યુ પામેલા નેતા, જેની ઓળખ ઉત્તમ મોહિતે (૩૮) તરીકે થઈ છે, તે દલિત મહાસંઘના સ્થાપક હતા
(એજન્સી)
સાંગલી, તા.૧૩
પોલીસે જણાવ્યું છે કે, દલિત સંગઠનના સ્થાપક પ્રમુખની સાંગલી શહેરમાં આઠ માણસોએ છરીના ઘા મારીને હત્યા કરી હતી જ્યારે તેઓ તેમના ઘરે જન્મદિવસની ઉજવણી કરી રહ્યા હતા, આ ગુનો વિવાદનું પરિણામ હોવાનું માનવામાં આવે છે,.
ઉત્તમ મોહિતે (૩૮) તરીકે ઓળખાતા આ નેતા, દલિત મહાસંઘના સ્થાપક હતા.પોલીસે જણાવ્યું હતું કે હુમલાખોરોમાંથી એક, જેની ઓળખ શાહરૂખ રફીક શેખ (૨૬) તરીકે થઈ છે, તેને ઝપાઝપી દરમિયાન ગંભીર ઈજા થઈ હતી, જેના કારણે હોસ્પિટલમાં તેનું મૃત્યુ થયું હતું.પોલીસે જણાવ્યું હતું કે મોહિતે ગરપીર દરગાહ ચોક વિસ્તાર નજીક તેમના ઘરે જન્મદિવસની ઉજવણી કરી રહ્યા હતા ત્યારે આ ઘટના બની હતી.મહેમાનો સ્થળ પરથી ચાલ્યા ગયા પછી અને વ્યવસ્થા પૂર્ણ થઈ રહી હતી ત્યારે છરીઓ, લોખંડના સળિયા અને લાકડીઓથી સજ્જ માણસોના એક જૂથે મોહિતે પર અપશબ્દો બોલવાનું શરૂ કર્યું હતું.હુમલાખોરો દ્વારા પીછો કરવામાં આવતા મોહિતે પોતાના ઘરમાં દોડી ગયા હતા. તેમણે મોહિતેના પેટ અને છાતીમાં અનેક વાર છરા માર્યા હતા અને તેના માથા અને હાથ પર લોખંડના સળિયા અને લાકડીઓથી હુમલો કર્યો હતો.પોલીસે જણાવ્યું હતું કે ઝપાઝપી દરમિયાન, હુમલાખોરોમાંથી એક, શેખ, ને જાંઘ પર ગંભીર છરા મારવામાં આવ્યો હતો, જે દેખીતીરીતે ભૂલથી થયો હતો.મોહિતેને તેના ભત્રીજા દ્વારા સાંગલી સિવિલ હોસ્પિટલમાં લઈ જવામાં આવ્યા હતા, જ્યાં ડોક્ટરોએ તેમને પહોંચતા જ મૃત જાહેર કર્યા હતા.દરમિયાન, હુમલાખોરો ગંભીર રીતે ઘાયલ ખાનને હોસ્પિટલમાં લઈ ગયા હતા, જ્યાં તેનું મોત નીપજ્યું હોવાનું પોલીસે જણાવ્યું હતું.એક પોલીસ અધિકારીએ જણાવ્યું હતું કે જન્મદિવસની ઉજવણી દરમિયાન મોહિતે અને એક આરોપી, ગણેશ મોરે વચ્ચે ટૂંકી દલીલ થઈ હતી. સ્થળ છોડતા પહેલા, મોરેએ મોહિતેને ચેતવણી આપી હતી કે તે તેને “છોડશે નહીં”.મોહિતેની પત્ની જ્યોતિ દ્વારા નોંધાવવામાં આવેલી ફરિયાદના આધારે પોલીસે ઇન્દિરાનગર વિસ્તારના રહેવાસી ગણેશ મોરે, સતીશ લોખંડે, શાહરૂખ શેખ (મૃત), બન્યા ઉર્ફે યશ લોંધે, અજય ઘાડગે, જીતેન્દ્ર લોંધે, યોગેશ શિંદે અને સમીર ઢોલે તરીકે ઓળખાતા આઠ વ્યક્તિઓ સામે હત્યાનો કેસ નોંધ્યો છે.