Sports

અમે ભાવિ પેઢી માટે મંચ તૈયાર કરી દીધો છે : મિતાલી રાજ

લંડન, તા.ર૪
ભારતીય ટીમ બીજીવાર ચેમ્પિયન બનવાનું ચૂકી ગઈ પણ કપ્તાન મિતાલી રાજનું માનવું છે કે દેશમાં ભારતીય મહિલા ક્રિકેટનું ભવિષ્ય ઉજ્જવળ છે અને ભાવિ પેઢી માટે મંચ તૈયાર કરી દેવામાં આવ્યો છે. ભારત લોર્ડસમાં ઈંગ્લેન્ડ વિરૂદ્ધ એક સમયે પહેલીવાર વિશ્વકપ જીતવાની સ્થિતિમાં દેખાઈ રહ્યું હતું. પણ ર૮ રનમાં સાત વિકેટ ગુમાવી દીધી. એક સમયે તેનો સ્કોર ત્રણ વિકેટે ૧૯૧ રન હતો પણ અંતમાં ટીમ રર૯ રનના લક્ષ્યાંકનો પીછો કરતાં ૪૮.૪ ઓવરમાં ર૧૯ રનમાં ઓલઆઉટ થઈ ગઈ.
કપ્તાન મિતાલીએ કહ્યું કે આ મારો છેલ્લો વિમેન્સ વર્લ્ડકપ હતો. હું આગામી વર્લ્ડકપમાં ટીમ ઈન્ડિયાનો ભાગ નહીં રહૂં. જો કે તેણે ક્રિકેટમાંથી રિટાયર્ડ અને કેપ્ટન્સી છોડવાને લઈને કોઈ નિર્ણય લીધો નથી. ભારતીય ટીમને મળેલી હાર પાછળનું કારણ જણાવતા મિતાલીએ કહ્યું કે મેચ એક સમય સુધી બેલેન્સ હતી પરંતુ એક સમય આવતા દરેક પ્લેયર પ્રેશરમાં આવી જતા સતત વિકેટ ગુમાવી પડી, જેથી હારનો સામનો કરવો પડ્યો હતો. પ્લેયર્સ વધારે નિરાશ છે કેમ કે તેમને સર્વશ્રેષ્ઠ પ્રદર્શન કર્યું હતું. એટલે સ્વાભાવિક છે, તેથી સમય લાગશે. આ પ્લેયર્સે ભારતમાં મહિલા ક્રિકેટના સ્તરને વધાર્યું છે અને તે માટે ગર્વ થવો જોઈએ. આ સિવાય મિતાલીએ કહ્યું કે જે રીતનો સપોર્ટ મહિલા ક્રિકેટનો વર્લ્ડકપ દરમિયાન મળ્યો તેને ખરેખર અમારો ઉત્સાહ વધાર્યો હતો. સાથે જ મિતાલીએ ટીમની સૌથી અનુભવી બોલર ઝૂલન ગોસ્વામીના વખાણ કરતાં કહ્યું કે તે હંમેશા તેનું બેસ્ટ આપવાનો પ્રયત્ન કરતી રહે છે. મિતાલી રાજે વર્ષ ૧૯૯૯માં ટીમ ઈન્ડિયામાં ડેબ્યુ કર્યું હતું. ત્યારબાદ વર્ષ ર૦૦૪માં ભારતીય કેપ્ટન બની. તેની કેપ્ટન્સીથી ભારતીય ટીમ વર્ષ ર૦૦પ અને ર૦૧૭માં વર્લ્ડકપના ફાઈનલમાં પહોંચી હતી. મિતાલીએ ભારતીય ટીમ માટે કુલ ૧૮પ વનડેમાં પ૧.૮૭ એવરેજ ૬૧૭૩ રન કર્યા છે.

About author

Articles

"VOICE OF TRUE JOURNALISM"
    Related posts
    Sports

    એકતરફી મુકાબલામાં કોલકાતાએ હૈદરાબાદ સામે ૮ વિકેટથી વિજ મેળવ્યો હૈદરાબાદને કચડી કોલકાતા ત્રીજીવાર IPL ચેમ્પિયન

    હૈદરાબાદ ૧૧૩ રનમાં જ સમેટાઇ ગયું…
    Read more
    Sports

    પિતા પોલીસમાં સિંઘમ, પુત્ર બોલરો માટે વિલન… આવું જબરદસ્ત છે શશાંક સિંહનું ક્રિકેટ કરિયર

    પંજાબ કિંગ્સના બેટ્‌સમેન શશાંક સિંહે…
    Read more
    Sports

    કે.એલ. રાહુલ અને શુભમન ગિલનું પત્તું કપાયું, શિવમ દુબેને તક મળીટી-૨૦ વર્લ્ડકપ માટે ટીમ ઇન્ડિયાની જાહેરાત

    રોહિત શર્મા કપ્તાન જ્યારે હાર્દિક…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.