(એજન્સી) નવી દિલ્હી, તા.૬
લોક જનશક્તિ પાર્ટી (રામવિલાસ)એ તાજેતરમાં આગામી લોકસભા ચૂંટણી માટે પાંચ ઉમેદવારોની યાદી જાહેર કરી છે. બીજેપી અને એલજેપી સહિત એનડીએ પાર્ટીઓ વચ્ચે બેઠક વહેંચણી પર સમજૂતી બાદ આ યાદી આવી છે. યાદીમાં શાંભવી ચૌધરીના નામનો પણ ઉલ્લેખ છે જે બિહારની અનામત બેઠક સમસ્તીપુરથી ચૂંટણી મેદાનમાં ઉતારવામાં આવી છે. ૨૫ વર્ષીય શાંભવી લોકસભાની ચૂંટણી લડનાર સૌથી નાની વયની દલિત મહિલા છે. સમસ્તીપુર સીટનું પ્રતિનિધિત્વ હાલમાં એલજેપી વડા ચિરાગ પાસવાનના પિતરાઈ ભાઈ પ્રિન્સ રાજ કરી રહ્યા છે. શાંભવી ત્રીજી પેઢીના રાજકારણી છે અને જેડી(યુ) મંત્રી અશોકકુમાર ચૌધરીની પુત્રી છે. તેના દાદા મહાવીર ચૌધરી કોંગ્રેસમાંથી બિહારના પૂર્વ મંત્રી હતા. તેણીના લગ્ન આચાર્ય કિશોર કુણાલના પુત્ર સાયન કુણાલ સાથે થયા છે, જેઓ એક પરોપકારી અને વિદ્વાન છે જેઓ અગાઉ ૈંઁજી અધિકારી તરીકે સેવા આપી ચૂક્યા છે. તેણીએ લેડી શ્રી રામ (ન્જીઇ) કોલેજમાંથી સ્નાતક અને દિલ્હી સ્કૂલ ઓફ ઈકોનોમિક્સમાંથી સમાજ શાસ્ત્રમાં માસ્ટર ડિગ્રી મેળવી છે. પાછળથી સંભવીએ પોસ્ટ ગ્રેજ્યુએશન પૂર્ણ કર્યા પછી બિહારના રાજકારણમાં લિંગ અને જાતિના આંતરછેદ પર તેણીની ડોક્ટરેટની ઉપાધિ મેળવી. તેણીની ફેસબૂક પ્રોફાઇલ મુજબ, તેણી પટનાની જ્ઞાન નિકેતન શાળામાં ડાયરેક્ટરનો હોદ્દો ધરાવે છે. તે લોકસભાની ચૂંટણી લડનાર સૌથી યુવા દલિત મહિલા ઉમેદવાર હશે. તેણી હાલમાં ૨૫ વર્ષ અને નવ મહિનાની છે. દરમિયાન સમસ્તીપુર લોકસભા સીટ પર ૧૩ મેના રોજ ચોથા તબક્કામાં મતદાન થશે.
