સાફલ્યગાથા : પહેલાં અમેરિકાએ આ અફઘાની છોકરીઓને વિઝા ન આપ્યા, આ જ છોકરીઓએ સૌથી મોટી ચેમ્પિયનશીપ જીતી

(એજન્સી) તા.૧
તમારામાં કૌશલ્ય હોય અને કશું કરી બતાવવાની દૃઢ ઈચ્છા હોય તો તમે દરેક વિધ્નોને પાર કરી લક્ષ પ્રાપ્ત કરી શકો. આવું જ કંઈ અફઘાનિસ્તાનની આ ૬ છોકરીઓએ કરી બતાવ્યું છે. તેમણે પોતાના કૌશલ્ય અને સખ્ત મહેનતના બળ પર યુરોપની સહુથી મોટી રોબોટિક ઈવેન્ટમાં જીત નોંધાવી છે. વિશેષ વાત એ છે કે, આ છોકરીઓએ ઘર પર ઉપલબ્ધ સામાનથી જ રોબોટ તૈયાર કર્યો હતો. તેમના આ જ કૌશલ્યને આખરે યુરોપના ટાલિનમાં થઈ ગયેલા સહુથી મોટા રોબોટેક્સ ર૦૧૭ ફેસ્ટિવલમાં વખાણવામાં આવ્યું હતું. તેમના આ જ કૌશલ્યથી પ્રભાવિત થઈને તેઓને વિજેતા જાહેર કરવામાં આવ્યા હતા. લંડન સ્થિત અફઘાનિ દૂતાવાસે એક ટ્‌વીટથી તેમની આ જીતને આવી રીતે વધાવી લીધી હતી. આપણી અફઘાનિ બાળકીઓની રોબોટીક્સ ટીમને ઈસ્ટોનિયામાં થયેલા યુરોપના સહુથી મોટા રોબોટીક્સ ફેસ્ટિવલની આંત્રપ્રિન્યોર ચેલેન્જ જીતવા માટે અભિનંદન. ધ્યાનમાં છે કે કેટલાક સમય પહેલાં જ આ છોકરીઓને અમેરિકાએ બે વાર વીઝા આપવાથી માત્ર એટલા માટે મનાઈ કરવામાં આવી કારણ કે તેઓ મુસ્લિમ હતી. આ બધી છોકરીઓ અમેરિકામાં થવાવાળા ગ્લોબર ચેલેન્જ રોબોટીક કોમ્પિટિશનમાં ભાગ લેવા આવવા માંગતી હતી. જો કે પછીથી આ ખબર સોશિયલ મીડિયા પર વાયરલ થયા પછી અમેરિકી રાષ્ટ્રપતિ કાર્યાલયના હસ્તક્ષેપ પછી આ છોકરીઓને અમેરિકા જવા માટે વીઝા આપવામાં આવ્યા હતા. આ પછી આ છોકરીઓએ અમેરિકામાં આયોજિત પ્રતિયોગીતામાં સિલર મેડલ જીત્યો હતો. મુહમ્મદ લીલા નામના એક વ્યક્તિએ આ વિશે આ પ્રકારે કહ્યું હતું તે અફઘાન છોકરીઓની રોબોટીક્સ ટીમ યાદ છે જેઓને યુએસમાં પ્રવેશવા દીધી ન હતી. તેઓ હાલમાં જ યુરોપમાં સૌથી મોટા રોબોટીક્સ ફેસ્ટિવલ જીત્યા. પોતાની જીતને આ છોકરીઓએ આવી રીતે યાદગાર બનાવી હતી. તેમણે કહ્યું કે આટલી અસફળતા બાદ સફળ થવું એક સુખદ અનુભવ છે. છોકરીઓને આ સફળતાને સોશિયલ મીડિયા અને ખાસ કરીને ટ્‌વીટર પર દુનિયાભરમાં લોકોએ કદર કરી વધાવી હતી. લોકોએ તેમના આત્મબળના વખાણ કર્યા અને શરૂમાં બે વાર વીઝા ન આપવા માટે અમેરિકાના વિચારો પર સવાલ પણ ઉઠાવ્યા. પેટ્રીસીયા ફેડરિકો કહે છે આ અદ્દભૂત છે ! એ આનંદદાયક છે કે મહિલાઓ પુરૂષ પ્રાધાન્ય વૈજ્ઞાનિક જગતમાં રસ લે છે અને તેમને પ્રોત્સાહિત કરવામાં આવે છે ! વિશેષરૂપે એટલા માટે આનંદ પમાડે છે કે આ તે દેશમાં બન્યું છે જ્યાં મહિલાઓ પોતાના મૂળભૂત અધિકારો માટે લડે છે ! અભિનંદન !
નીક બાર્ટન કહે છે, ખરાબ પગલું અમેરિકા જ્યારે રોબોટ્‌સ તમારા માટે આવશે. ત્યારે તમને ખબર પડશે કે કેમ.
બાઈસીકલ સ્લોપ્લો કહે છે યુએસની પોલિસી હોંશિયાર લોકોને બહાર રાખવાની જણાય છે.

Subscribe To Our Daily Newsletter

No spam, notifications only about new products, updates.

Related Posts

Enable Notifications OK No thanks