જસ્ટિસ જે.બી. પારડીવાલા અને સંદીપ મહેતાની બેન્ચે આ આદેશ આપ્યો છે, જેમાં આરોપી પ્રદીપ કુમાર કેસરવાની દ્વારા દાખલ કરવામાં આવેલી અપીલને મંજૂરી આપવામાં આવી છે, જેમાં અલ્હાબાદ હાઇકોર્ટના એ આદેશને પડકારવામાં આવ્યો છે, જેમાં ટ્રાયલ કોર્ટ દ્વારા આપવામાં આવેલા સમન્સ ઓર્ડરને રદ કરવાનો ઇન્કાર કરવામાં આવ્યો છ

(એજન્સી) તા.૧૦
ફરિયાદ કથિત હુમલાના ચાર વર્ષ પછી દાખલ કરવામાં આવી હોવાને કારણે સુપ્રીમ કોર્ટે અલ્હાબાદ યુનિવર્સિટીના દલિત વિદ્યાર્થી દ્વારા દાખલ કરવામાં આવેલા બળાત્કાર કેસને રદ કર્યો છે અને કાયદાની પ્રક્રિયાનો દુરૂપયોગ કરતા અને હેરાનગતિ કરતા ફોજદારી કેસોને રદ કરવા માટે હાઇકોર્ટ માટે નવી માર્ગદર્શિકા નક્કી કરવામાં આવી છે. જસ્ટિસ જે.બી. પારડીવાલા અને સંદીપ મહેતાની બેન્ચે આ આદેશ આપ્યો છે, જેમાં આરોપી પ્રદીપ કુમાર કેસરવાની દ્વારા દાખલ કરવામાં આવેલી અપીલને મંજૂરી આપવામાં આવી છે, જેમાં અલ્હાબાદ હાઇકોર્ટના કેસમાં ટ્રાયલ કોર્ટ દ્વારા આપવામાં આવેલા સમન્સ ઓર્ડરને રદ કરવાનો ઇન્કાર કરવાના અલ્હાબાદ હાઇકોર્ટના આદેશને પડકારવામાં આવ્યો છે. કેસરવાનીએ દલીલ કરી છે કે કથિત ઘટનાના ચાર વર્ષ પછી ૨૦૧૪માં તેની સામે ખોટી બળાત્કાર ફરિયાદ દાખલ કરવામાં આવી હતી. તેમણે કહ્યું કે, સંમતિથી થયેલા સંબંધોમાં ખટાશ આવ્યા બાદ મહિલાએ જીઝ્ર-જી્‌ એક્ટ હેઠળ બળાત્કાર અને અન્ય ગુનાઓના આરોપો દાખલ કર્યા હતા. અપીલને મંજૂરી આપતાં સર્વોચ્ચ અદાલતે નોંધ્યું કે, ફરિયાદીએ કેસ ચલાવવામાં ગંભીરતાનો અભાવ દર્શાવ્યો હતો. સુપ્રીમ કોર્ટે અવલોકન કર્યું કે, ‘અમારૂં માનવું છે કે એડિશનલ ચીફ જ્યુડિશિયલ મેજિસ્ટ્રેટે સમન્સનો આદેશ આપવામાં ભૂલ કરી હતી. હાઈકોર્ટે પણ કલમ ૪૮૨ (ક્રિમિનલ પ્રોસિજર કોડ) અરજીને ફગાવી દેતી વખતે આ મામલાના સંબંધિત પાસાઓની અવગણના કરી હતી. ફરિયાદના સ્પષ્ટ વાંચન પર ખાસ કરીને આરોપોના સ્વરૂપને ધ્યાનમાં લેતાં, તે સ્પષ્ટ થાય છે કે તે કોઈ વિશ્વાસ કરવા લાયક નથી. પ્રતિવાદી નંબર ૨ ને ફરિયાદ દાખલ કરવામાં ચાર વર્ષ કેમ લાગ્યા તેનો કોઈ યોગ્ય ખુલાસો આપવામાં આવ્યો નથી,’. બેન્ચે જણાવ્યું હતું કે, સુપ્રીમ કોર્ટ દ્વારા જારી કરાયેલી નોટિસ ફરિયાદીએ સ્વીકારી ન હતી તે હકીકત એ પણ દર્શાવે છે કે તે કેસ ચલાવવામાં ગંભીર નહોતી. બેન્ચે ચુકાદો આપ્યો કે, ‘…અમારો મત છે કે અપીલકર્તા સામે ફોજદારી કાર્યવાહી ચાલુ રાખવી એ કાયદાની પ્રક્રિયાનો ઘોર દુરૂપયોગ હશે…. હાઈકોર્ટ દ્વારા પસાર કરાયેલા વાંધાજનક આદેશને રદ કરવામાં આવે છે,’.