(એજન્સી) હુબલ્લી, તા.૮
કેન્દ્રીય ગૃહપ્રધાન અમિત શાહ દ્વારા સંસદમાં ડો.બી.આર. આંબેડકર વિશે આપેલા તાજેતરના નિવેદનના વિરોધમાં કેટલાક દલિત સંગઠનોએ ૯ જાન્યુઆરી, ૨૦૨૫એ હુબલ્લી-ધારવાડમાં બંધનું આહ્વાન કર્યું છે,. હુબલીમાં મીડિયાને સંબોધતા, દલિત નેતા ગુરૂનાથ ઉલ્લિકાશીએ જણાવ્યું હતું કે બંધ સવારે ૬ વાગ્યાથી સાંજના ૬ વાગ્યા સુધી લાગુ કરવામાં આવશે, જેમાં ૧૦૨રથી વધુ સંગઠનોએ વિરોધને સમર્થન આપ્યું છે. ઉલ્લિકાશીએ કહ્યું, ‘જોડિયા શહેરોમાં તમામ રસ્તાઓ બંધ કરીને આ બંધને અસરકારક બનાવવાનો અમારો હેતુ છે, બંધના કલાકો દરમિયાન વાણિજ્યિક સંસ્થાઓ, હોટલ, સિનેમા થિયેટર, ઓટો-રિક્ષા, શાળાઓ, કોલેજો અને સરકારી કચેરીઓ બંધ રહેશે. વધુમાં, આવશ્યક સેવાઓ સિવાય કોઈપણ વાહનોને ચલાવવાની મંજૂરી આપવામાં આવશે નહીં.” આયોજકોએ ભારપૂર્વક જણાવ્યું હતું કે બંધ આવશ્યક સેવાઓને અવરોધશે નહીં અને સુનિશ્ચિત કરશે કે, હોસ્પિટલો, મેડિકલ સ્ટોર્સ, એમ્બ્યુલન્સ અને દૂધની વાન કોઈપણ અવરોધ વિના કાર્યરત રહે.
- Fri, October 9, 2026
- Top Stories
- Trending
- Fri, October 9, 2026