(એજન્સી)                               નવી દિલ્હી, તા.૭
૧૯૮૪ના શીખ વિરોધી રમખાણો સંબંધિત કેસોમાં ૧૪ આરોપીઓને નિર્દોષ છોડી મૂકવાના નિર્ણયને પડકારતી દિલ્હી પોલીસ દ્વારા દાખલ કરાયેલી છ ખાસ અરજીઓમાં સુપ્રીમ કોર્ટે મંગળવારે નોટિસ જારી કરી છે. કોર્ટે આદેશ આપ્યો કે, આ અંગે નોટિસ જારી કરો. રજિસ્ટ્રાર દ્વારા પક્ષકારો તરફથી હાજર રહેલા વકીલને ટ્રાયલ કોર્ટના રેકોર્ડની સોફ્ટ કોપી પ્રદાન કરવામાં આવે. પક્ષકારો દ્વારા પુરાવાના નોંધોનું સંકલન રેકોર્ડ પર મૂકવામાં આવે. આ નોટિસ ૨૧ જુલાઈના રોજ પરત કરી શકાય છે.  જસ્ટિસ અભય એસ ઓકા અને જસ્ટિસ ઉજ્જલ ભુયાનની બેન્ચે આ આદેશ આપ્યો છે.આ બેન્ચ ૨૦૧૬માં એસ ગુરલાદ સિંહ કહલોન દ્વારા દાખલ કરાયેલી રિટ અરજીની સુનાવણી કરી રહી હતી, જેમાં સુપ્રીમ કોર્ટે જસ્ટિસ એસ.એન.ઢીંગરા સમિતિની રચના કરવાનો આદેશ આપ્યો હતો. અરજદાર હવે સમિતિની ભલામણોનો અમલ કરવા માંગ કરી રહ્યો છે. સુપ્રીમ કોર્ટ દ્વારા ૨૦૧૮માં જસ્ટિસ એસ.એન. ઢીંગરા સમિતિની રચના કરવામાં આવી હતી અને જાન્યુઆરી ૨૦૨૦માં તેનો અહેવાલ રજૂ કરવામાં આવ્યો હતો. આ રિપોર્ટમાં અભિપ્રાય આપવામાં આવ્યો હતો કે ઘણા રમખાણોના કેસોમાં તપાસ પાટા પરથી ઉતરી ગઈ હતી અને અન્ય બાબતોની સાથે, નિર્દોષ છૂટકારા વિરૂદ્ધ અપીલ દાખલ કરવાની ભલામણ કરવામાં આવી હતી. દિલ્હી હાઈકોર્ટે ભારે વિલંબના આધારે નિર્દોષ છૂટકારા સામેની અપીલો ફગાવી દીધી હતી. હાલની છ જીન્ઁ હાઇકોર્ટના આદેશો સામે દાખલ કરવામાં આવી છે. ૧૦ ફેબ્રુઆરી, ૨૦૨૫ના રોજ, સુપ્રીમ કોર્ટે અવલોકન કર્યું હતું કે રાજ્યએ ગંભીરતાથી અપીલ દાખલ કરવી જોઈએ. અમે કોઈ ચોસ પરિણામ પર આવ્યા નથી, પરંતુ તેને ગંભીરતાથી લેવી જોઈએ. દિલ્હી પોલીસ તરફથી હાજર રહેલા, એડિશનલ સોલિસિટર જનરલ ઐશ્વર્યા ભાટીએ કોર્ટને જણાવ્યું હતું કે સમિતિએ આઠ SLP દાખલ કરવાની ભલામણ કરી હતી. તેમણે કહ્યું હતું કે અગાઉ બે જીન્ઁ દાખલ કરવામાં આવી હતી  જે ફગાવી દેવામાં આવી હતી અને હવે અન્ય છ SLP દાખલ કરવામાં આવી છે. અગાઉની સુનાવણી દરમિયાન, બેન્ચે પ્રશ્ન ઉઠાવ્યો હતો કે શું વરિષ્ઠ વકીલ અગાઉના કેસોમાં હતા અને જણાવ્યું હતું કે જ્યાં સુધી ગંભીરતાથી કાર્યવાહી કરવામાં ન આવે ત્યાં સુધી જીન્ઁ દાખલ કરવાથી કોઈ હેતુ પૂર્ણ થશે નહીં. અરજદાર વતી હાજર રહેલા વરિષ્ઠ વકીલ એચ.એસ. ફૂલકાએ રજૂઆત કરી હતી કે અપીલો ફક્ત ઔપચારિકતા તરીકે દાખલ કરવામાં આવી હતી.અરજદારે એમ પણ રજૂઆત કરી હતી કે દિલ્હી હાઈકોર્ટના જસ્ટિસ મુરલીધરના ચુકાદામાં અવલોકન કરવામાં આવ્યું હતું કે ૧૯૮૪ના રમખાણોના કેસોમાં અમુક વસ્તુઓ છૂપાવવામાં આવી હતી અને રાજ્યએ યોગ્ય રીતે કેસ ચલાવ્યો ન હતો. તેમણે કહ્યું હતું કે અગાઉની અપીલોમાં દિલ્હી હાઈકોર્ટ સમક્ષ આ ચુકાદો રજૂ કરવામાં આવ્યો ન હતો. અરજદારે રજૂઆત કરી હતી કે એક હત્યા કેસમાં, ૫૬ આરોપીઓમાંથી ફક્ત ૫ સામે આરોપો ઘડવામાં આવ્યા હતા, અને બાકીના ૫૧ આરોપીઓને છોડી મૂકવામાં આવ્યા હતા. તેમણે કહ્યું હતું કે રાજ્યએ અન્ય આરોપીઓ સામે આરોપો ઘડવા જોઈએ. તેમણે એમ પણ રજૂઆત કરી હતી કે હત્યા અને ગેગરેપના ઘણા કેસોમાં, તપાસ એજન્સીઓ દ્વારા દાખલ કરાયેલા ક્લોઝર રિપોટ્‌ર્સને કારણે કોઈ ટ્રાયલ થઈ ન હતી. ત્યારબાદ કોર્ટે વ્યક્તિગત ફરિયાદોને અલગ અલગ સંબોધવાને બદલે વિગતવાર કેસ સાંભળવાનો નિર્ણય લીધો હતો.