International

સરહદ વગર કલાની કમાલ : મહામારીએ સાહિત્યના સેતુ દ્વારા બે પંજાબને પ્રગાઢ રીતે નિકટ લાવીને મૂકી દીધા

પૂર્વ પંજાબ અને પશ્ચિમ પંજાબ વચ્ચે સરહદ વિભાજનને જોડવા માટે ડિજીટલ સ્પેસ હવે ભૂમિકા ભજવી રહ્યું છે

(એજન્સી) તા.૨૪
કોરોના વાયરસ કહેર વચ્ચે લીલાપુર યંગ હિસ્ટોરીન ક્લબ દ્વારા ૫, ઓગસ્ટ ૨૦૨૦ના રોજ વાર્ષિક પંજાબી સાહિત્યિક સામયિક બારામાહનો બીજો અંક ઓનલાઇન રિલીઝ કરવામાં આવ્યો હતો. આ અંકનું વિમોચનનું જીવંત પ્રસારણ કરાયું હતું અને મહેમાનોએ લંડન, લાહોર, લીલાપુર, લુધિયાણા અને વિન્ડસર ખાતેના પોતાના નિવાસસ્થાનેથી આ અંકના વિમોચનમાં ઓનલાઇન હાજરી આપી હતી.
આ પત્રિકા ઝુબેર અહેમદ અને અમરજીત ચંદન દ્વારા સહસંપાદિત કરવામાં આવે છે અને ફારસી અને અરબી લિપિમાં લાહોરથી પ્રકાશિત કરવામાં આવે છે. આ સામયિકમાં વિદ્વતાપૂર્ણ નિબંધોથી ટૂંકી વાર્તાએા અને કવિતાઓ, પેન્ટિંગ, સિનેમા અને સંગીત પર સમીક્ષા, સંસ્મરણો અને લેખકો અને વિદ્વાનોની મુલાકાતોને સામયિકમાં સ્થાન આપવામાં આવે છે. લંડનમાં રહેતાં અમરજીત ચંદને ૧૯૭૦માં પંજાબીમાં પ્રથમ એવા ક્રાંતિકાર ભૂગર્ભીય સાહિત્યિક સામયિક દસ્તાવેજનું સંપાદન કર્યુ હતું. લાહોર સ્થિત ઝુબેર અંગ્રેજી સાહિત્યના નિવૃત્ત પ્રાધ્યાપક છે કે જેઓ પંજાબીમાં પણ લખે છે. બારામાહના ૨૦૨૦ના અંકમાં પંજાબી સમુદાયમાં પ્રવર્તતા મતભેદો માટે સેતુરૂપ ભૂમિકા ભજવવા પંજાબી ભાષા અને અસ્મિતા પર ધ્યાન કેન્દ્રીત કરવામાં આવ્યું છે. આમ પંજાબી સમુદાય માત્ર સરહદો દ્વારા જ વિભાજિત નથી પરંતુ સ્ક્રિપ્ટ દ્વારા પણ વિભાજિત છે.
આ રીતે કોરોના મહામારીએ સાહિત્ય દ્વારા બે પંજાબને ગાઢ અને પ્રગાઢ રીતે એકદમ નિકટ લાવીને મૂકી દીધા છે. આ એક પ્રકારની સરહદ વગરની કલાની કમાલ છે. પૂર્વ પંજાબ અને પશ્ચિમ પંજાબ વચ્ચે સરહદ વિભાજનને જોડવા માટે ડિજીટલ સ્પેસ હવે ભૂમિકા ભજવી રહ્યું છે. બારામાહ સામયિકમાં એધરાલા પંજાબ, ઓધરાલા પંજાબ અને તીજા પંજાબ (આ પંજાબ, તે પંજાબ અને ત્રીજા પંજાબ)માંથી પ્રદાન આવે છે. આ ઉપરાંત આ સામયિકને વિશ્વભરના લેખકોનો લાભ મળે છે અને વિશ્વભરના લેખકો પોતાના લખાણો દ્વારા યોગદાન આપે છે.

About author

Articles

"VOICE OF TRUE JOURNALISM"
Related posts
International

બ્રિટનના પત્રકાર સંઘે ગાઝા પર ઇઝરાયેલના હવાઈહુમલામાં પાંચ પત્રકારોની હત્યાની ટીકા કરી

(એજન્સી) તા.૨૮બ્રિટિશ નેશનલ યુનિયન ઓફ…
Read more
International

અરબ લીગે અલ-અક્સા મસ્જિદ પરઇઝરાયેલના મંત્રીની ઘૂસણખોરીની નિંદા કરી

(એજન્સી) કૈરો, તા.૨૮અરબ લીગ (AL)ના…
Read more
International

બશર અસદના સંબંધીઓએ લેબેનોનથી બહાર જવાનો પ્રયાસ કરતાં ધરપકડ કરવામાં આવી

(એજન્સી) તા.૨૮સીરિયન રાષ્ટ્રપતિ બશર…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.